Peter Thiel, Facebook tarixida eng muhim voqea 2006-yil iyul oyida bo‘lganini eslaydi. O‘sha paytda Facebook atigi ikki yoshda edi, foydalanuvchilari 8-9 million atrofida, yiliga $30 million daromad keltirardi, lekin hali foyda bermayotgan edi.
Yahoo Facebook’ni $1 milliardga sotib olishni taklif qiladi.
Boshqaruv yig‘ilishi chaqiriladi. Mark Tsukerberg yig‘ilishni quyidagi gaplar bilan ochadi:
“Bu shunchaki rasmiyatchilik, tezda tugatamiz. 10 daqiqadan ortmaydi. Biz, albatta, bu yerda sotmaymiz.”
O‘sha vaqtda Tsukerberg atigi 22 yoshda edi. Peter Thiel, “Bu masalani yaxshilab muhokama qilishimiz kerak. Bir milliard dollar bu juda katta pul,” deb o‘z fikrini bildiradi. Thiel hisob-kitob qiladi: Markning ulushi 25% edi, demak, unga $250 million tushishi mumkin edi. “Bu pul bilan ko‘p ish qilsa bo‘ladi,” deydi Thiel.
Tsukerberg esa: “Men bu pul bilan nima qilishimni bilmayman. Yana bir ijtimoiy tarmoq ochaman, chunki menga hozirgi loyiham yoqadi,” deb javob beradi.
Xulosa:
Bu qaror — ya’ni Facebook’ni sotmaslik va o‘z g‘oyasiga sodiq qolish — kompaniya taqdirini butunlay o‘zgartirdi. Bugun Facebook yuzlab milliard dollarga baholanadi.
Dars:
Haqiqiy liderlar pul uchun emas, o‘z orzusi va g‘oyasiga ishonch uchun harakat qiladi. Mark Tsukerbergning qarori — g‘oyaga, jamoaga va kelajakka ishonch namunasi bo‘ldi.
Fikr bildirish