O‘zbekiston IT Parkining Seuldagi vakolatxonasi, mamlakatni kelajakdagi IT markaziga aylantirish maqsadida, Janubiy Koreyaning yetakchi IT kompaniyalari bilan uchrashuvlar o‘tkazib, O‘zbekistonning texnologik hamkorlikni rivojlantirish imkoniyatlarini taqdim etishda davom etmoqda.
IT Parkning Koreyadagi rasmiy vakili Nodirbek Berdikobilov, Janubiy Koreyaning IT sanoatidagi asosiy shaxslar bilan uchrashuvlar o‘tkazdi va O‘zbekistondagi qo‘shma loyihalar uchun biznes imkoniyatlari, hamkorlik istiqbollari va Koreyalik kompaniyalarni O‘zbekiston IT ekotizimiga integratsiya qilish yo‘llarini taqdim etdi.
Chungnam viloyatidagi kompaniyalar bilan uchrashuvlar
Chungnam viloyatida joylashgan Future Tech, Pion, Proe va Innobase kabi nufuzli kompaniyalar turli sohalarda dasturiy ta’minot yechimlarini ishlab chiqish va taqdim etishda faoliyat yuritadi. Misol uchun, Future Tech shahar infratuzilmasini va energiya samaradorligini yaxshilashga hissa qo‘shadigan aqlli ko‘cha yoritish tizimlari, IT asosidagi yoritish yechimlari va sensor dasturlari bilan tanilgan.
Bu kompaniyalarning vakillari bilan o‘tgan uchrashuvlar davomida, Berdikobilov O‘zbekistonda xorijiy investorlar va kompaniyalar uchun mavjud imkoniyatlar haqida batafsil ma’lumot berdi. U, shuningdek, koreys tilini mukammal biladigan yuqori malakali IT mutaxassislari bilan boy bo‘lgan kadrlar bazasi va xalqaro hamkorlar bilan yuqori texnologiyali loyihalarni amalga oshirish uchun qulay muhitni ta’kidladi.
Uchrashuvlar natijasida Future Tech, Pion, Proe va Innobase kompaniyalari O‘zbekistonda qo‘shma IT kompaniyasini tashkil etishga qiziqish bildirgan. Ushbu kompaniya, mahalliy kadrlar yordamida IT operatsiyalarini boshqaruvchi orqa ofis sifatida xizmat qiladi. Bu hamkorlik, ikki mamlakat o‘rtasidagi aloqalarni yanada chuqurlashtirish va O‘zbekiston uchun texnologiya va innovatsiya sohasidagi yangi yo‘llarni ochishda muhim qadam bo‘ladi.
JSmart Solution bilan uchrashuv
Seuldagi IT Park ofisi, ishlab chiqarish korxonalariga aqlli boshqaruv yechimlarini taqdim etadigan JSmartSolution kompaniyasi vakillari bilan uchrashuv o‘tkazdi. Kompaniya 2023-yilda 16 million dollar aylanmani qo‘lga kiritgan va 45 nafar mutaxassisni ishga olgan.
Uchrashuvda asosiy e’tibor Zero Risk dasturiga qaratildi. Ushbu dastur, xorijiy kompaniyalar uchun O‘zbekistonda minimal xarajatlar bilan ofis ochish imkoniyatini taqdim etadi. JSmartSolution vakili, O‘zbekistonda ofis ochish niyatlarini bildirdi va mamlakatdagi biznes muhitini va rivojlanish istiqbollarini yuqori baholadi.
KITC bilan hamkorlik
Nodirbek Berdikobilov, Janubiy Koreyaning yetakchi IT konsalting kompaniyasi KITC ijrochi direktori Mr. Kaem Chayu bilan samarali uchrashuv o‘tkazdi. Uchrashuvda ikki mamlakat o‘rtasidagi biznes aloqalarini yanada kengaytirish imkoniyatlari va IT sohasidagi hamkorlik istiqbollari ko‘rib chiqildi.
KITC — Janubiy Koreyaning yetakchi IT konsalting kompaniyasi bo‘lib, xalqaro miqyosda yuqori sifatli konsalting va texnologik yechimlar taqdim etadi. Kompaniya 2023-yilda 15 million dollar aylanmaga ega bo‘lib, 99 nafar malakali mutaxassisni ish bilan ta’minladi. O‘zbekiston bozorida muvaffaqiyatli amalga oshirilgan to‘rtta yirik loyiha kompaniyaning mintaqadagi hamkorlikni yanada kengaytirishga bo‘lgan qiziqishini tasdiqlaydi.
KITC O‘zbekistonda ofis ochishni rejalashtirib, Janubiy Koreya IT kompaniyalarini jalb qilish va qo‘shma loyihalarni boshlashga tayyor ekanligini bildirdi.
Smart solutions 2024
Nodirbek Berdikobilov Janubiy Koreyada o‘tkazilgan Smart Solutions 2024 konferensiyasida qatnashdi. Ushbu tadbir IT, aqlli qishloq xo‘jaligi, sun’iy intellekt va aqlli fabrikalar kabi sohalarda yetakchi kompaniyalarni bir joyga to‘pladi.
Uchrashuvlar natijasida O‘zbekiston IT Parki, ILJINHOLDINGS, WonJin Solutions, Koolon Venit, Kbridge va RISTI kabi yirik kompaniyalar bilan hamkorlikni davom ettirishga kelishdi. Ushbu kompaniyalar O‘zbekistonda qo‘shma loyihalar yaratishga qiziqish bildirishdi va investitsiya imkoniyatlarini o‘rganishdi.
Uchrashuvlar natijasida O‘zbekiston IT Parki, ILJINHOLDINGS, WonJin Solutions, Koolon Venit, Kbridge va RISTI kabi yirik kompaniyalar bilan hamkorlikni davom ettirishga kelishdi. Ushbu kompaniyalar O‘zbekistonda qo‘shma loyihalar yaratishga qiziqish bildirishdi va investitsiya imkoniyatlarini o‘rganishdi.
DX Campus konferensiyasi
Berdikobilov, Seulda o‘tkazilgan DX Campus konferensiyasida ham ishtirok etdi. Ushbu tadbirda raqamli transformatsiya, robototexnika va avtomatlashtirish kabi sohalarda ilg‘or texnologiyalarni rivojlantirayotgan yetakchi kompaniyalar ishtirok etdi. Berdikobilov konferensiyada O‘zbekistonning texnologiya va innovatsiya sohasidagi imkoniyatlarini taqdim etdi va Janubiy Koreya kompaniyalariga O‘zbekistonda yangi ofislar ochish va hamkorlikni kengaytirish uchun yangi imkoniyatlarni taqdim etdi.
Tadbir davomida Berdikobilov raqamli texnologiyalar bo‘yicha muhokamalar va sessiyalarda faol ishtirok etdi hamda xalqaro hamkorlar uchun O‘zbekiston texnologiya va innovatsiyalar sohasida taqdim etayotgan imkoniyatlar va istiqbollarni ta’kidladi.
Bundan tashqari, PoweAuto Robotics, T3 Solution, UVC, The Salt va EMRO kabi Janubiy Koreyaning yetakchi kompaniyalari bilan kelgusidagi hamkorlik bo‘yicha muhim kelishuvlarga erishildi. Ushbu kompaniyalar robototexnika, jarayonlarni avtomatlashtirish va “yashil” texnologiyalar sohasidagi ilg‘or ishlanmalar bilan shug‘ullanadi. Ular O‘zbekistonda qo‘shimcha ofislar ochish imkoniyatlarini o‘rganishga katta qiziqish bildirishdi.
Shinest
Janubiy Koreyada Shinest kompaniyasining xavfsizlik bo‘yicha direktori janob Kim Yong Chan bilan ham uchrashuv bo‘lib o‘tdi. Kompaniyaning Markaziy Osiyodagi muvaffaqiyatli tajribasi va o‘sib borayotgan imkoniyatlari tufayli, Shinest yaqin kelajakda O‘zbekistonda o‘z ofisini ochish rejalari haqida e’lon qildi.
Ushbu qaror kompaniya uchun yangi biznes imkoniyatlarini ochadi va O‘zbekistondagi texnologik va innovatsion tashkilotlar bilan hamkorlikni yanada mustahkamlaydi. Shinest IT sohasida o‘zaro manfaatli hamkorlikni rivojlantirish va qo‘shma loyihalarni ishga tushirishni maqsad qilgan bo‘lib, bu O‘zbekistonning xalqaro texnologik ekotizimdagi o‘rnini yanada mustahkamlaydi.
Shinest — sun’iy intellekt (AI) va bulut texnologiyalari bo‘yicha ilg‘or yechimlar yaratishga ixtisoslashgan innovatsion texnologiya kompaniyasidir. 2023-yilda kompaniya 10 million dollarlik daromadga erishdi, bu esa uning barqaror o‘sishi va xalqaro bozorlaridagi muvaffaqiyatli faoliyatini aks ettiradi. Kompaniya 55 nafar mutaxassisni ish bilan ta’minlaydi va Kookmin Bank, LG Electronics, Naver Cloud, BeeTok, Wallet, Sugar Link kabi yetakchi mijozlarga xizmat ko‘rsatadi.
Solutec (Solution Technology)
Solutec texnologiya va innovatsion yechimlar sohasida muvaffaqiyatli kompaniya sifatida o‘zini namoyon qilgan tashkilotdir. Kompaniya Ruanda va Laos kabi mamlakatlarda ofislarga ega bo‘lib, turli sohalar uchun yuqori texnologiyali yechimlarni ishlab chiqish va loyihalarni faol rivojlantirish bilan shug‘ullanadi.
2023-yilda Solutec 11,3 million dollarlik daromadga erishdi va 31 nafar xodimni ish bilan ta’minladi. Bu uning barqaror o‘sishi va xalqaro maydondagi muvaffaqiyatli faoliyatini aks ettiradi. Kompaniyaning mijozlari orasida GS Shop, KT Telecom, Doosan, SK Telecom, Korea Economics Newspaper, Hyundai Glovis, KEB Hana Bank, va Nuhyup Bank kabi yirik global korporatsiyalar bor.
Uchrashuv davomida Solutec vakillari O‘zbekiston orqali Markaziy Osiyo bozorlaridagi ishtirokini kengaytirishga katta qiziqish bildirishdi. Ular mamlakatda yangi ofis ochish istiqbollarini muhokama qilib, yuqori texnologiyali loyihalarni rivojlantirishda O‘zbekistonning imkoniyatlarini yuqori baholadilar. Kompaniya mahalliy hamkorlar bilan faol hamkorlikni rivojlantirishga sodiq ekanligini bildirdi va yaqin kelajakda qo‘shimcha muzokaralar o‘tkazish hamda O‘zbekistonda filial ochish bo‘yicha yakuniy qaror qabul qilish uchun tashrif buyurishni rejalashtirdi.
Solutec O‘zbekistonni texnologiya va innovatsiyalar sohasidagi xorijiy investorlar uchun strategik muhim bozor sifatida ko‘rib, mahalliy ofis ochishni mintaqaviy ta’sirini kengaytirishdagi asosiy qadam sifatida baholamoqda. IT Park O‘zbekiston bunday tashabbuslarni faol qo‘llab-quvvatlab, qulay biznes sharoitlarini taqdim etadi. Bunga yuqori malakali kadrlar, rivojlangan infratuzilma va raqamli texnologiyalar hamda innovatsiyalar sohasida davlat va xususiy tashkilotlar bilan hamkorlik imkoniyatlari kiradi.
Xulosa
IT Park O‘zbekistonning Seuldagi vakolatxonasining tashkil etilishi va “Smart Solutions 2024” hamda “DX Campus Conference” kabi xalqaro tadbirlardagi ishtiroki mamlakatning global texnologiyalar sahnasida o‘z ishtirokini kengaytirishga qaratilgan strategik e’tiborini namoyon etadi. Ushbu tashabbuslar nafaqat Janubiy Koreya bilan ikki tomonlama aloqalarni mustahkamlaydi, balki O‘zbekistonda yuqori texnologiyali loyihalar, investitsiyalar va innovatsiyalarni rivojlantirish uchun yangi imkoniyatlar yaratadi.
Shu orqali bu sa’y-harakatlar O‘zbekistonni texnologik startaplar va xalqaro IT kompaniyalar uchun rivojlanayotgan IT markazi sifatida tanitadi hamda Markaziy Osiyoning yetakchi IT markazi sifatidagi mavqeini mustahkamlaydi.
Fikr bildirish