Kichik startup g’oyasidan boshlangan xalqaro kompaniya!
2012-yilda San-Fransiskoga tashrif buyurgan Miki Kuusi aeraportdan mehmonxonagacha yetib olishda transport muammosiga duch keldi, chunki taksilar biroz kam yo’lovchilar soni esa ko’p edi. Do’sti unga Uberdan foydalanishni tavsiya qildi. Miki oddiy Finlyandiyalik ishbilarmon sayyohi emas edi. U yoshligidan texnologiyalar, startaplar va tadbirkorlikka qiziqqan va Aalto Universitetidan o‘qishni tamomlagan bo‘lib, u yerda tadbirkorlik va texnologiyalarni rivojlantirish bo‘yicha tajriba orttirgan. Universitetda o‘qiyotgan vaqtida u bir necha startaplar va tadbirkorlik dasturlariga qatnashib, startap ekotizimida faol ishtirok etgan. Woltni tashkil etishdan avval Miki Kuusi Finlandiyaning Slush tadbiriga rahbarlik qilgan. Slush bu tadbirkorlar, sarmoyadorlar va texnologiya ixlosmandlarini birlashtiradigan yirik xalqaro platformadir. Miki Slushni kichik, talabalarga mo‘ljallangan tadbirdan global miqyosdagi nufuzli konferensiyaga aylantirdi. U bugungi kunda ham Slush kompaniyasining bosh direktori bo‘lib, bu talabalar tomonidan boshqariladigan, Finlyandiyada tadbirkorlikni rivojlantirishga qaratilgan notijorat startap. Hozirda bu loyiha butun dunyo bozorlariga yoyilgan.
Uber bilan qilgan safari Mikini oddiy uyali aloqa orqali bajarilishi mumkin bo’lgan imkoniyatlar haqida fikr yuritishga ilhomlantirdi. Ushbu fikrlar tez orada kichik biznes g’oyaga aylandi va ikki yikdan so’ng, 2014-yilda, olti hamfikr tadbirkorlar tomonidan insonlar hayotini yengillashtirish maqsadida Wolt kompaniyasi tashkil etildi. Kompaniya ilk tashkil etilganda ular oddiy bir fikr bilan yo‘lga chiqishdi: ovqat yetkazib berish sohasida samaradorlikni oshirish va iste’molchilar uchun qulay xizmat yaratish. Woltni yaratishda Miki o‘zining Slushdagi tajribasidan keng foydalanib, to‘g‘ri investorlar, texnologik maslahatchilar va global bozorga moslashuvchan strategiyalarni jalb qilgan.
Wolt kompaniyasining asoschilari:
Miki Kuusi – Woltning asosiy yuzlaridan biri bo‘lib, kompaniyaning bosh ijrochi direktori (CEO).
Elias Aalto – Texnologiyalar va mahsulot dizayniga e’tibor qaratgan asoschilardan biri. U kompaniyaning texnologik infratuzilmasini yaratishda muhim rol o‘ynagan.
Juhani Mykkänen – Kompaniyaning marketing va strategik rivojlanish yo‘nalishlarida ish olib borgan.
Mikko Silventola – Investitsiyalar va biznesni kengaytirish bo‘yicha mutaxassis. U dastlabki kapitalni jalb qilishga yordam bergan.
Oskari Petas – Operatsion faoliyat va xizmat ko‘rsatish sifatini boshqarishda asosiy rol o‘ynagan.
Lauri Andler – Startapning dastlabki moliyaviy tizimini yaratishda va investorlar bilan ishlashda ishtirok etgan.
Texnologiyaga asoslangan muvaffaqqiyat tarixi: Wolt texnologiyalar va mahsulot dizayniga asoslangan kompaniya sifatida tashkil etildi. Kompaniyaning dastlabki muvaffaqiyati Helsinkida, Finlandiyaning kichik bozori va yuqori operatsion xarajatlariga qaramasdan, katta samaradorlikka erishdi. Miki boshchiligida Wolt global kengayishni rejalashtiruvchi bosqichlarga muvaffaqiyatli o‘tdi. Bugungi kunda u 23 mamlakat bo‘ylab 100 dan ortiq shaharda faoliyat yuritib, millionlab mijozlarga xizmat ko‘rsatmoqda hamda o‘n minglab restoranlar va yetkazib beruvchilar bilan hamkorlik qilmoqda.
Muvaffaqiyat tomon yo’l: “Wolt” kompaniyasi 2015-yilda faoliyatini boshlaganida, Xelsinkida bor-yo‘g‘i 10 ta hamkor restorani bor edi va faqat mahalliy xizmatni taklif qilardi. Ammo 2,5 million yevro boshlang‘ich mablag‘ bilan Wolt asoschilari onlayn yetkazib berish xalqaro dunyosiga kirishga qaror qilishdi.
Wolt asoschilari yosh bo’lishiga qaramay, ular va ularning hammuassislari Aalto universitetining startap lagerlaridan chiqqan va startap dunyosida katta tajribaga ega edilar. Bu ularga barcha moliyalashtirish bosqichlarini puxta rejalashtirishda yordam berdi. Moliyalashtirishning dastlabki ikki seriyasida (A va B) ular biznesni kengaytirish va kengaytirishda katta tajribaga ega bo’lgan venchur kapital firmalariga e’tibor qaratdilar. Ko’plab maslahatchilarini Uberning maslahat va moliyalash kompaniyalaridan yolladilar. So’nggi moliyalashtirish seriyalari (C va D) esa birlamchi ommaviy taklif (IPO)ni tayyorlashga qaratilgan bo’lib, ular bu jarayonda ekspertiza va sinchkovlikni ta’minlagan investitsiya firmalariga tayanishdi.
2016-yilga kelib, Wolt aynan o‘z platformasiga xalqaro yetkazib berish xizmatini qo‘shib, qo‘shni Shvetsiya va Estoniya davlatlariga faoliyatini kengaytirdi. EQT Ventures boshchiligidagi A seriyali moliyalashtirishda (Series A financing) Wolt yana 10 million yevro mablag‘ jalb qildi. Bu mablag‘ kompaniyaning jadal rivojlanishini ta’minlash uchun sarflandi. Aynan shu davrda Wolt Tallinn shahrida Starship Technologies bilan hamkorlikda “avtonom” robotlar bilan tajriba o‘tkazdi.
Wolt ilovasiga buyurtma berilgandan so‘ng, Starship kompaniyasining roboti tanlangan taomlarni xavfsiz idishga joylashtiradi. Keyin kichkina robot yetkazib berish manziliga yo‘l oladi va mijoz ilovadagi havola orqali taom solingan idishni ochadi. Mijozlar robotdan taomni olish uchun tashqariga chiqishlari kerak bo‘lsa-da, maqsad robot yetkazib berishning tovarlarni yetkazishning yanada ekologik usuldan foydalanishga erishish edi. O‘zining blog postida Wolt shunday izoh berdi: “Biz robotlarning ko‘chada qanday harakatlanishi va odamlar bilan qanday muloqot qilishi, robototexnikani qanday qilib arzonlashtirish va shu orqali logistikani yanada ekologik qilish ustida ishlamoqdamiz (bu avtomobil yoki skuterga qaraganda ancha kam karbonat angidrid chiqaradi).”
2017-yilga kelib, Wolt Daniya, Latviya va Litvaga kengayib, uchinchi tomon vositalarini o’zining “Ichki jamoa tomonidan yaratilgan kur’er ilovalari”( In-house created courier apps) va logistika tizimi bilan almashtirdi. Bu ilovaning samarali va mustaqil ishlashiga imkon berdi.
2018-yilda Wolt 83North tomonidan boshqarilgan Series B moliyalashtirish bosqichini ishga tushirdi va €27 million mablag’ yig‘di. Bu davr “hypergrowth” (tez o’sish) davri bo’lib, ilova maqsadlariga erishish uchun xodimlar sonini 100 dan 300 nafarga oshirdi.
2019-yilga kelib, Wolt Sharqiy Yevropaga yanada kengayib, South Pole bilan hamkorlik qildi va barcha Wolt yetkazib berishlarida CO2 emissiyasini qoplashga harakat qildi — hatto o’tmishdagi yetkazib berishlar uchun ham. Kompaniya shuningdek, ICONIQ Capital va Highland Europe boshqaruvida bo’lgan Series C moliyalashtirish bosqichiga kirdi va yana €116 million mablag’ yig‘di.
2020-yil Wolt uchun katta yutuqlar yili bo’ldi, bu yil Covid pandemiyasining boshlanishi, Yaponiyaga va Germaniyaga kengayish, dasturga oziq-ovqat va chakana savdo qo‘shilishi, rasmiy “Unicorn” maqomini qo’lga kiritish va yana €100 million mablag’ olishni ko‘rsatdi — bu juda katta yil.
COVID-19 va raqamli transformatsiya
COVID-19 pandemiyasi raqamli transformatsiyani, shu jumladan oziq-ovqat mahsulotlarini onlayn yetkazib berishni misli ko‘rilmagan tarzda tezlashtirdi. Statistika ma’lumotlariga ko‘ra, 2021-yilda butun dunyo bo‘ylab oziq-ovqat mahsulotlarini onlayn yetkazib berish daromadi 134 milliard yevroni tashkil etdi va foydalanuvchilar soni 1,3 milliardga yetdi. Kelgusi uch yilda ushbu sohada yillik o‘sish sur’ati 6,4 foiz bo‘lishi kutilmoqda. COVID-19 ning raqamli rivojlanishni tezlashtirishdagi ta’siri hisobga olinsa, bu bashoratlar ehtimol konservativ bo‘lishi mumkin.
“Wolt Hungary” bosh direktori pandemiyaning birinchi to‘lqini davomida (2020-yil mart-aprel-may) bozor avvalgi ikki yildagi kabi uch oy ichida bir xil sur’atda rivojlanganini ta’kidladi. Wolt asoschilaridan biri, Kuusi, ularning dastlabki faraziga ko‘ra, barcha jismoniy xizmatlar onlayn xizmatlarga aylanishi va restoran hamda oziq-ovqat sohalari bu jarayonda birinchilardan bo‘lishini aytib o‘tdi.
Wolt asoschilari o‘z mulohazalarida oziq-ovqat bilan bog’liq xarajatlar uy xo’jaligi xarajatlarining taxminan 10% ini tashkil etishini va taxminan 50% oziq-ovqat bilan bog’liq xarajatlar restoranlarga sarflanishini taxmin qilishdi. Shunday qilib, Wolt bozorga kirgan paytda raqobatdosh platformalar kam edi.
Biroq, bu sohada kengayish va o’sish muhim ahamiyatga ega, chunki oziq-ovqat yetkazib berish kabi mahalliy xizmatlar global tarmoq ta’siriga ega emas. Bir mamlakat yoki shaharda yaxshi ishlaydigan platforma boshqa joyda yaxshi ishlamasligi mumkin. Shu sababli, tarmoqning qiymatini mahalliy darajada tushunish lozim deya ta’kidlaydi kompaniya mutaxassislari.
Vengriya bo’ylab Wolt Budapest, Budaors, Debrecen, Gyor, Pecs, Szeged va Szekesfehervar shaharlarida yetkazib berish xizmatini amalga oshirmoqda. Vengriyadagi Wolt tizimida mingdan ortiq restoran mavjud. Wolt uchta ustuvor yo‘nalishga e’tibor qaratadi:
- mijozlar
- oziq-ovqat kuryerlari
- restoranlar
Mijozlarni jalb qilish talab asosida amalga oshiriladi: potentsial mijoz oziq-ovqat yetkazib berishga bo’lgan talabini anglaydi va smartfonida variantlarni qidiradi. Variantlar orasida Wolt ham mavjud bo‘lib, mijozlardan Apple App Store va Google Play’da mavjud Wolt ilovasini yuklab olishni so’raydi.
Wolt’ning asosiy e’tibori mijozlar qoniqishiga qaratilgan. Ular oddiy oziq-ovqat yetkazib berishdan tashqari turli xizmatlar ko‘rsatadi. Raqobatchilariga nisbatan tezroq, xavfsizroq va ishonchliroq xizmatni va har qanday muammo yuzaga kelganda kompensatsiya taklif qiladi. Wolt oziq-ovqat va yetkazib beradi, balki xizmatining ham sifatini kafolatlaydi.
Dunyo Woltni asosan bitta yo‘nalishda faoliyat yuritayotganini ko‘rgan bo‘lsa-da, brend o‘shandan beri ko‘plab boshqa yo‘nalishlar va bozorlarga kengaydi.
“Wolt”ning tez o‘sishi va muvaffaqiyati haqida: O’z intervyusida Woltning tez o‘sishi va muvaffaqiyatini izohlar ekan, Kuusi shunday dedi: “Biz dastlab restoranlarga e’tibor qaratdik, chunki bu yuqori chastotali foydalanish holatiga ega eng yirik mahalliy xizmatdir. Biz tezda restoranni onlayn qilishning sehrli formulasi – ilgari yetkazib berish xizmatini taklif qilmagan restoranlardan tez va ishonchli yetkazib berishni ta’minlash ekanligini tushundik. Biz buni restoran o‘rniga yetkazib berish jarayonining murakkabliklarini o‘z zimmamizga olish orqali amalga oshiramiz”.
Biroq, Shimoliy Yevropadagi murakkab ichki bozordan kelib chiqqan holda, Wolt “oxirgi milni yetkazib berish uchun optimallashtirilgan logistika tizimini” yaratishi kerak edi. Bu esa xizmatga hatto “daromadlar farqi kam, aholi zichligi past va mehnat xarajatlari yuqori bo‘lgan juda kichik shaharlarda” ham faoliyat yuritish imkonini berdi.
Bu yondashuv Woltga buyurtmalar hajmi past bo‘lganda ham samarali ishlash imkonini berdi, bu esa kompaniyaga “bozordagi ayrim raqobatchilarga nisbatan ancha kam mablag‘ bilan tezkor o‘sish va kengayish” imkonini yaratdi. O‘z yo‘nalishini aniqlab olish orqali Wolt raqiblari hali kirib bormagan shaharlar va bozorlarda muvaffaqiyatga erishdi.
Janubi-Sharqiy Osiyodagi Grab singari “super ilova”ga aylanish – dori-darmonlardan tortib kiyim-kechak, elektronika va boshqa mahsulotlargacha bo‘lgan keng assortimentni taklif qilish maqsadida kompaniya o’z faoliyatini jadal ravishda kengaytirdi. Shu maqsadda ular “Wolt Market”ni ishga tushirishni rejalashtirmoqda, bu esa oflayn chakana sotuvchilar bilan bo’shliqni to’ldiruvchi onlayn chakana sotuvchi sifatida xizmat qiladi. Woltning o’z so’zlariga ko’ra, ular “savdo markazlarining raqamli dunyo versiyasini yaratishni” niyat qilgan, bu safar uyimiz va ish joyimizga yarim soat ichida yetkazib beriladi.
Woltning rivojlanish jarayonini ko’rib, brendning bunday muvaffaqiyatga erisha olgani biroz hayratlanarli. Oziq-ovqat yetkazib berish sanoati gavjum va raqobatbardosh — bu bozorda katta muvaffaqiyatga erishish uchun o’ziga xos uslub talab qilinadi.
Keling, Woltni raqobatchilardan ajratib turadigan bir necha narsalarni ko’rib chiqaylik.
1. “Logistikani optimallashtirish ustuvor” yondashuvi
Finlandiya kabi qiyin bozor sharoitida muvaffaqiyatga erishish uchun Wolt samarali bo’lish uchun texnologiyaga qattiq tayanishi kerak edi. “Ikkinchi avlod provayderlari” sifatida, ya’ni restoranlardan mijozlarga oziq-ovqat yetkazib beruvchilar sifatida Wolt o’zini “birinchi navbatda logistika optimizatsiyasi kompaniyasi” deb ko’radi. Bunday bozorda muvaffaqiyatga erishish uchun Wolt o’z texnologik yechimlarini doimiy ravishda optimallashtirishi kerak edi.
Bu nimani anglatadi? Kuusi tushuntirishicha, bu barcha tomonlar uchun yetkazib berish biznesini samaraliroq qilish uchun “matematik va texnologik yaxshilanishlar” haqida. Garchi mijoz buni sezmasa ham, Wolt 180 ta mahsulot ishlab chiquvchilarni ishga olgan bo’lib, ular doimiy ravishda o’z takliflari va ilovalarini yaxshilash ustida ishlaydilar.
2. Aniq va muayyan maqsad: Kuusi Food Service bilan intervyusida Woltning muvaffaqiyatining asosiy tamoyili sifatida e’tiborni ta’kidladi. Bu nimani anglatadi?
Uning so’zlariga ko’ra, “siz bitta narsaga e’tibor qaratishingiz kerak va unda dunyodagi eng yaxshi bo’lish uchun ishlashingiz kerak.” Wolt uchun bu ularning o’z-o’zini yetkazib beruvchi restoranlar bilan hamkorlik qilmasligini anglatadi — ular yetkazib berish hizmatiga ehtiyoji bo’lgan restaurantlarga e’tibor qaratadilar.
Nega? Chunki ular “tez va doimiy mijozlar tajribasini arzon narxda kafolatlay olishining yagona yo’li ularning texnologiyasi va tizimida”. Va, albatta, individual restoranlar “hech qachon yetkazib berishni yuqori darajadagi texnologiya kompaniyasi kabi samarali va arzon qila olmaydilar”.
3. Xalqaro kompaniya va ayni paytda mahalliy korxona bo‘lish: Wolt albatta xalqaro kompaniya bo’lganiga qaramay, ular mahalliy biznes bo’lishga katta e’tibor qaratadilar. Har bir mamlakatda kundalik operatsiyalarni boshqaradigan o’z jamoasi bor va ularning ilovasida barcha kontent tarjima qilingan va mahalliylashtirilgan.
Operatsiyalar va marketingda Wolt “mahalliy iste’dodlar”ni yollaydi, bu esa ilovaning “mamlakat va shahar madaniyati bilan chinakam bog’lanishiga” yordam beradi. Bundan tashqari, ular mahalliy mijozlarni qo’llab-quvvatlash xizmatini taqdim etadi, bu esa mijozlarga o’z ona tillarida yordam berish va ularga bog’lanish imkonini beradi.
Woltning har bir bo’limi haqiqiy, mahalliy his-tuyg’ularni ta’minlagan holda, bu ilova 23 dan ortiq mamlakatga tez va muvaffaqiyatli kengayishga erishdi.
Wolt va DoorDash: Kuchlarni Birlashtirish:
2021-yil noyabr oyida Wolt va DoorDash o‘z kuchlarini birlashtirishi e’lon qilingan edi, DoorDash Wolt Enterprises OYni barcha aksiyalardan iborat bitim asosida sotib olishni rejalashtirgan edi. Woltning rasmiy press-relizida e’lon qilingan ushbu birlashuv brendning “ushbu hamkorlik bizning umumiy maqsadlarimizga erishish yo‘lida bizning rivojlanishimizni tezlashtiradi” deb kutganliklari bildirildi.
Wolt nuqtai nazaridan, ularning “texnologik innovatsiyalar, operatsion tajriba va iste’molchilar tajribasiga qaratilgan e’tibori” birlashgan kompaniyalar uchun “mahalliy savdo platformasini yaratish va ko’p yillar davomida sezilarli o’sishni ta’minlash” imkonini berardi.
2022-yil 1-iyun holatiga ko’ra, Wolt yuqorida aytib o’tilgan barcha aksiyalar bitimi asosida DoorDash tomonidan rasmiy ravishda sotib olindi. Bu esa Wolt bosh direktori Miki Kuusini DoorDash Internationalning yangi rahbari etib tayinladi va u DoorDash bosh direktori Toni Xu’ga hisobot beruvchi lavozimga ega bo’ldi.
Bu sotib olish DoorDash’ning ko’lamini jami 27 mamlakatga kengaytirdi va brendning global bozor yetakchisi sifatida o’rnini mustahkamlashga yordam berdi. Biroq, Wolt DoorDash olamida yo‘qolib ketmadi. Woltning rasmiy press-reliziga ko‘ra: “Mikining rahbarligi ostida DoorDash xalqaro o’sishni tezlashtirish, mahsulotlarni rivojlantirishni tezlashtirish va investitsiya samaradorligini yaxshilashga maqsad qilmoqda. Wolt iste’molchilar ilovasi global texnologiya kompaniyasining resurslari tomonidan qo’llab-quvvatlanadigan tarzda alohida ishlashda davom etmoqdi.
Aslida, ham DoorDash bosh direktori Toni Xu, ham Wolt bosh direktori Miki Kuusi ushbu birlashuvni o’zlarining birlashgan brendlarini yaxshilash imkoniyati sifatida ko’rishadi. Kuusi press-relizdagi nutqida:”Bugungi kun Wolt uchun yangi bobning boshlanishini anglatadi. DoorDash bilan kuchlarni birlashtirish orqali biz qit’alar bo’ylab zavqlantiradigan mahsulotlar va xizmatlar yaratish imkoniyatiga egamiz. Bizning ikka kompaniyamiz mahalliy savdoda kuchli tasavvurga ega va birgalikda ko’proq natijaga erishishimiz mumkin ” deya ta’kidlagandi.
Yangi xizmatlar va kengayish: 2022-yildan keyin Wolt nafaqat oziq-ovqat yetkazib berish bilan cheklanib qolmadi, balki boshqa sohalarga ham kirib bordi. Kompaniya kundalik iste‘mol tovarlari, dorilar va boshqa zarur mahsulotlarni yetkazib berish xizmatlarini kengaytirdi. Bu foydalanuvchilarga bir platforma orqali turli xil ehtiyojlarni qondirish imkonini berdi.
Wolt “Wolt+ Premium” a‘zolik xizmatini rivojlantirdi. Ushbu xizmat yordamida mijozlar qo‘shimcha afzalliklardan foydalanish imkoniyatiga ega bo‘lishdi, jumladan, yetkazib berish xarajatlarini kamaytirish va tezkor xizmatlardan foydalanish.
Iqtisodiy ko‘rsatkichlar va moliyaviy o‘sish: DoorDash bilan birlashuv Woltning moliyaviy ko‘rsatkichlarini sezilarli darajada yaxshiladi. Kompaniya global daromadlari va foydalanuvchilar soni bo‘yicha katta o‘sishga erishdi. DoorDash hisoboti bo‘yicha, 2023-yilda Woltning daromadlari 300 million yevrodan oshdi. Bu ko‘rsatkich avvalgi yilga nisbatan ikki barobar o‘sishni anglatadi. Kompaniya yangi xizmatlar, jumladan, kundalik ehtiyoj mahsulotlari yetkazib berish segmentiga kirib, foydalanuvchilar bazasini 15 milliondan oshirishga muvaffaq bo‘ldi. Bundan tashqari, DoorDash bilan birgalikda amalga oshirilgan operatsion optimizatsiya xarajatlarni sezilarli darajada kamaytirdi va foyda marjalarini oshirdi.
2023-yilda kompaniya yangi bozorlarni o‘zlashtirish orqali 5 yangi mamlakatda faoliyatini boshladi. Bu esa kompaniyaning global darajadagi raqobatbardoshligini yanada mustahkamladi. Shuningdek, foydalanuvchilar orasida premium xizmatlarga talabning oshishi Wolt+ xizmatining daromadlarini sezilarli darajada ko‘paytirdi.
Elektron tijorat giganti Wolt O’zbekistonda faoliyatini rasmiy boshladi
Joriy yilning 4-oktyabr kuni “Wolt” elektron tijorat platformasi O‘zbekistonda o‘z faoliyatini rasman boshlab, 28-mamlakat bozoriga kirishini nishonladi. Finlyandiyada kichik jamoa bilan ish boshlagan kompaniya bugungi kunda dunyoning 500 dan ortiq shaharlarida faoliyat yuritmoqda, 13 000 dan ortiq kishini ish bilan ta’minlamoqda va 150 000 tadbirkorlik markazlari bilan hamkorlik qilmoqda. Tez va ishonchli oziq-ovqat hamda tovarlarni yetkazib berish xizmatlari bilan tanilgan Wolt butun dunyo bo‘ylab 43 milliondan ortiq ro‘yxatdan o‘tgan foydalanuvchilar va 250 000 kuryerlar bilan o‘sishni davom ettirmoqda.
Kompaniyaning ishga tushirilishini nishonlash uchun o‘tkazilgan matbuot nonushtasida “Wolt” kompaniyasining kengayish bo‘limi rahbari Olli Rissanen O‘zbekistondagi muhim o‘sish imkoniyatlari haqida so‘zladi. “Yevropada bozor O‘zbekistonga qaraganda o‘n barobar to‘yingan. Bu yerda Wolt uchun kengayishning katta imkoniyati mavjud,” deya izoh berdi Rissanen. U yana shuni ta’kidladiki, Wolt boshqa tashkil etilgan bizneslar bilan raqobatni ijobiy qabul qiladi va buni o‘zining global faoliyatining tabiiy qismi sifatida ko‘radi. “Raqobat biz uchun yangilik emas,” dedi Rissanen, Woltning raqobatli muhitni boshqarishga ko‘nikkanligini ta’kidlab.
Xalqaro kengayish menejeri Elina Hakkarainen intervyusida bu fikrlarni qo‘llab-quvvatlab, O‘zbekistonni “juda qiziqarli va o‘sib borayotgan bozor” deb atadi. U mamlakatni Qozog‘iston, Ozarbayjon va Gruziyada erishilgan yutuqlardan so‘ng Wolt uchun tabiiy keyingi qadam deb ta’rifladi. “O‘zbekiston biz uchun tabiiy rivojlanish yo‘nalishidir,” deya qo‘shimcha qildi u.
Zuhraxon Mansurova
Fikr bildirish