Google Gmail’da obunalardan voz kechishni yanada osonlashtirdi. Endilikda foydalanuvchilar keraksiz reklama va xabarnomalardan “Obunalarni boshqarish” tugmasi orqali bir zumda xalos bo‘lishlari mumkin.
Nima yangilik?
Gmail Android ilovasida yangi funksiya paydo bo‘ldi — barcha obunalarni boshqarish uchun qulay sahifa. Endi har bir spam yoki keraksiz xat ostida maxsus tugma joylashgan bo‘lib, uni bosish orqali shu jo‘natuvchidan keladigan xabarlarga chek qo‘yish mumkin.
Qachon va kim uchun?
Funksiya hozircha faqat Android foydalanuvchilari uchun taqdim etildi. Gmail’ning veb-versiyasi va iOS ilovasi egalari esa biroz kutishlariga to‘g‘ri keladi. Google hali global joriy etish sanasini ochiqlagani yo‘q.
Bir zumda emas
Google ogohlantirishicha, obunani bekor qilganingizdan so‘ng, jo‘natuvchilar sizga xabar yuborishni to‘xtatishi uchun bir necha kun talab qilinishi mumkin.
Gmail’da obunalarni bekor qilish jarayoni nihoyat soddalashtirildi. Endi pochta qutingizni keraksiz xatlardan tozalash osonroq va tezroq bo‘ladi. Ammo hozircha faqat Android foydalanuvchilari uchun.
