O‘zbekistonning yetakchi moliyaviy institutlaridan biri bo‘lgan AloqaBank innovatsion g‘oyalarni qo‘llab-quvvatlash va yangi avlod tadbirkorlarini aniqlash maqsadida “Taqdimot O‘zbekiston” nomli milliy startap tanlovini e’lon qildi.
Ushbu tashabbus AloqaVentures va Startup Garage hamkorligida amalga oshirilmoqda.
AloqaBank vakilining so‘zlariga ko‘ra:
Bugungi kun yoshlari endi faqat orzu qilmayapti — ular aniq va real g‘oyalar bilan maydonga chiqmoqda. Biz esa ular uchun imkoniyatlar yaratmoqchimiz. «Taqdimot O‘zbekiston» — bu oddiy tanlov emas, bu milliy sahna, sarmoya manbai va kelajakni qurish uchun platformadir.
Tanlov qanday o‘tadi?
- Startapchilar o‘z g‘oyalari bilan onlayn ariza topshiradi.
- Tanlab olinganlar mentorlar bilan ishlaydi va pitch tayyorlaydi.
- Eng yaxshi loyihalar Zo’r TV sahnasida mashhur investorlar va biznes vakillari oldida jonli taqdimot qiladi.
Kimlar qatnashishi mumkin?
- Yangi startap boshlayotgan yoshlar;
- Mahsulot yoki xizmat g‘oyasiga ega jamoalar;
- Texnologik, ijtimoiy yoki iqtisodiy muammolarga innovatsion yechim taklif qilayotganlar.
Mukofot va imkoniyatlar:
- Moliyaviy sarmoya va grantlar;
- Mentoring va akseleratsiya dasturlarida qatnashish;
- Respublika bo‘ylab PR va marketing ko‘rinish;
- AloqaVentures orqali strategik investorlar bilan aloqa o‘rnatish imkoniyati.
Ariza topshirish muddati: 2025-yil 1-avgust
Ro‘yxatdan o‘tish: https://thepitch.uz/
Ishtirok etish bepul
“Taqdimot O‘zbekiston” — bu g‘oyalarni ovozga aylantirish va ularni hayotga tatbiq etish sari birinchi qadam. AloqaBank, Startup Garage va AloqaVentures orqali sizning startapingiz milliy sahnaga chiqishi mumkin.
