AloqaVentures “Innovatsion yoshlar” dasturi doirasida agrotexnologiya yo‘nalishidagi navbatdagi istiqbolli startapni qo‘llab-quvvatladi. Space Agro — zamonaviy AgroTech B2B platformasi $10 000 miqdorida sarmoya oldi.
Space Agro — fermerlar uchun aqlli qarorlar platformasi
Space Agro platformasi fermerlarga yer holatini kontur asosida tahlil qilish, bozor talabiga mos ekin tanlash va ishlab chiqaruvchilar bilan shartnoma asosida ishlash imkonini beradi. Maqsad — aniq ma’lumotlarga asoslangan, samarali va foydali qarorlar qabul qilishni ta’minlash.
Platformaning asosiy afzalliklari
- Ilmiy asoslangan tavsiyalar: laboratoriyalar va tadqiqot institutlari bilan hamkorlikda ishlab chiqilgan maslahatlar
- Bozorga mos ekin tanlovi: real vaqtli bozor tahlil mexanizmlari
- Shartnoma asosidagi savdo: mahsulotni oldindan kafolatlangan narxda sotish imkoniyati
- Tez va aniq qarorlar: vaqtida prognozlar va tahlillar orqali
- Daromad modeli: mavsumiy obunalar va enterprise segment uchun yechimlar orqali barqaror tushum
AloqaVentures va Innovatsion yoshlar
AloqaVentures “Innovatsion yoshlar” dasturi doirasida g‘oya yoki MVP bosqichidagi texnologik startaplarga $20 000 gacha sarmoya ajratib, ularni keyingi bosqichga olib chiqishni maqsad qilgan.
Fikr bildirish