Apple 2024-yil sentabr oyida namoyish etilishi kutilayotgan iPhone 17 Air modeli bilan tarixdagi eng yupqa smartfonni taqdim etmoqchi. Qurilma atigi 5,5 mm qalinlikda bo‘ladi — bu iPhone 16’ga nisbatan sezilarli darajada yupqaroq.
Yupqa dizayn sababli akkumulyator hajmi kichikroq bo‘ladi. Shuning uchun iPhone 17 Air foydalanuvchilarga Smart Battery Case orqali quvvat olish imkonini beradi. Apple ichki sinovlariga ko‘ra, bu modelni zaryadsiz kun bo‘yi ishlatish foydalanuvchilarning faqat 60-70% uchun mumkin bo‘ladi (oldingi modellar 80-90%).
Boshqa o‘zgarishlar:
- Qurilmada faqat bitta kamera va bitta dinamik bo‘ladi.
- eSIM tizimi asosiyga aylanadi — jismoniy SIM uchun joy ajratilmaydi.
- Apple avval USB-C portidan voz kechishni ko‘rib chiqqan, ammo Yevropa Ittifoqining yangi talablari bunga yo‘l qo‘ymadi.
Bu o‘zgarishlar Apple’ning dizaynni keskin soddalashtirish va qulaylikni zamonaviy texnologiyalar orqali ta’minlash yo‘lidagi navbatdagi qadami hisoblanadi.
