21–22 iyun kunlari (shanba va yakshanba) O‘zbekistonda 12 ta bank mijozlarga valyuta ayirboshlash va xalqaro pul o‘tkazmalari bo‘yicha xizmat ko‘rsatadi. Bu haqda Markaziy bank matbuot xizmati ma’lum qildi.
Mamlakatda dam olish kunlari ham moliyaviy xizmatlarga talab ortib borayotgani sababli, ayrim tijorat banklari o‘z valyuta ayirboshlash shoxobchalari va pul o‘tkazmalari punktlarini ishga tushirdi.
Ishlaydigan banklar ro‘yxati:
- Agrobank
- Apexbank
- Asia Alliance Bank
- Biznesni rivojlantirish banki
- Hamkorbank
- Ipoteka-bank
- Kapitalbank
- Orient Finans Bank
- Tenge Bank
- Trastbank
- Universalbank
- O‘zmilliybank
Shu bilan birga, banklar tomonidan 24/7 rejimida ishlovchi avtomatlashtirilgan valyuta ayirboshlash bankomatlari ham faoliyat yuritmoqda. Bundan tashqari, banklarning mobil ilovalari orqali kunning istalgan vaqtida onlayn valyuta operatsiyalarini amalga oshirish imkoni mavjud.
Markaziy bankning so‘nggi faoliyati doirasida moliyaviy intizom va xizmat ko‘rsatish sifatiga e’tibor kuchaymoqda. Xususan, may oyida 13 ta bankka jarima qo‘llanilgan, 17 tasi esa ustav kapitali va kredit portfeli bo‘yicha ogohlantirilgan edi.
Fikr bildirish