Zypl.ai pre-Series A raundini muvaffaqiyatli yakunlab, Prosus Ventures, Carbide Ventures, Battery Road Digital va Astana Hub Ventures kabi yetakchi venchur fondlaridan jami $6 mln mablag‘ jalb qildi. Shundan $3 mln Carbide Ventures tomonidan kompaniyaning baholanishi $40 mln bo‘lgan paytda kiritilgan.
Carbide Ventures, Silikon vodiysining yetakchi fondlaridan biri sifatida ilk marotaba Markaziy Osiyo startapiga sarmoya yo‘naltirdi. Fondning asosiy hamkori Bill Tay bo‘lib, u Tayvanning TSMC kompaniyasining dastlabki xodimlaridan biri va taniqli venchur investoridir.
“Bill o‘z faoliyati davomida 100 dan ortiq startaplarga sarmoya kiritgan, shulardan 20 tasi Zoom va Canva kabi gigantlarni ham o‘z ichiga olib, ommaviy kompaniya yoki yunikornga aylangan,” — deydi zypl.ai asoschisi Azizjon Azimiy.
Ushbu sarmoya zypl.ai uchun yangi imkoniyatlarni ochadi hamda Markaziy Osiyo innovatsiyalariga global miqyosda qiziqish oshayotganini tasdiqlaydi.
Ushbu startapda o‘zbek venchur fondlari – AloqaVentures va UzVC boshlang’ich investor hisoblanadi.
Fikr bildirish