IT Park innovatsion va texnologik loyihalarni rivojlantirishga har tomonlama ko‘mak berishni davom ettirmoqda. Startaplar o‘z faoliyatini samarali yuritishi, investorlar bilan muvaffaqiyatli muzokaralar olib borishi hamda yuridik jihatdan to‘g‘ri hujjatlarni rasmiylashtirishi uchun maxsus namunaviy hujjatlar to‘plami ishlab chiqildi va jamoatchilikka taqdim etildi.
Mazkur to‘plam startaplarni investorlar hamda hamkorlar bilan ishlash jarayonida uchraydigan asosiy huquqiy masalalarda qo‘llab-quvvatlashni maqsad qilgan. U quyidagi asosiy hujjatlarni o‘z ichiga oladi:
- Investitsiya shartnomalari – rezident va norezident investorlar uchun, bir yoki ikki bosqichli bitimlar shaklida;
- Side Letter – O‘zbekiston huquqiy muhiti uchun moslashtirilgan SAFE shartnomasi bo‘yicha qo‘shimcha kelishuv;
- SAFE (Simple Agreement for Future Equity) va Convertible Promissory Note – startaplarga venchur kapitalini jalb qilish imkonini beruvchi vositalar;
- Maxfiylik kelishuvi (NDA) – rus va ingliz tillarida tayyorlangan;
- Due Diligence uchun hujjatlar ro‘yxati – startapning asosiy ma’lumotlarini tekshirish uchun mo‘ljallangan jadval;
- Investorlar uchun pitch deck namunasi – xalqaro standartlarga mos taqdimot andozasi.
Loyihaning bosh maqsadi – startaplarning investorlar bilan muzokara olib borish jarayonini yengillashtirish, ularning yuridik bilimlarini oshirish va hujjatlarni tayyorlashda vaqt hamda xarajatlarni kamaytirishdan iborat. To‘plam startaplarga venchur kapitalini jalb etish, shartnomalar tuzish, shuningdek ichki komplayens talablarini bajarishda yordam beradi.
Kelajakda ushbu hujjatlar to‘plami ekotizim ehtiyojlari hamda qonunchilikdagi yangiliklarga mos ravishda yangilanib borishi rejalashtirilgan.
To‘plamni quyidagi havola orqali yuklab olish mumkin: https://drive.google.com/drive/folders/1dLGQwphx5rKwgWxczdg6MZCHROiWfymV?usp=sharing
Manba
Fikr bildirish