Meta AI’ning mustaqil ilovasi joriy etilishi bilan texnologiya olamida xavotirli trend yuzaga chiqdi. Foydalanuvchilar AI bilan bo‘lgan suhbatlarini – jumladan, matn, audio va rasmli shakllarda – tasodifan jamoatchilik bilan bo‘lishmoqda.
Oddiy bir “Share” tugmasi bosilishi bilan, foydalanuvchilar o‘zlarining shaxsiy hayotlariga oid nozik ma’lumotlarni global auditoriyaga oshkor qilmoqda. Masalan, kimdir farts haqida savol bergan audio yozuv, boshqasi esa soliqdan qochish bo‘yicha maslahat so‘ragan xat yozgan – to‘liq ism-familiyalar bilan.
Nega bu xavfli?
- Uy manzillari, sud tafsilotlari, moliyaviy huquqbuzarliklarga oid savollar — bularning barchasi ochiq ko‘rinmoqda.
- Odamlar bu postlar ommaga chiqayotganini tushunmayapti.
- Bu esa Meta AI’ni maxfiylik siyosati borasida kuchli tanqid ostiga olib kelmoqda.
Mutaxassislar nima deydi?
Kiberxavfsizlik eksperti Reychel Tobak bu holatni real tahdid sifatida ko‘rsatmoqda: “Oddiy foydalanuvchilar o‘z hayotlari haqida juda ko‘p narsa oshkor qilmoqda — buni ular o‘zlari sezmayapti ham.”
Meta kabi yirik texnologik kompaniyalarning foydalanuvchi maxfiyligiga nisbatan yondashuvi jiddiy qayta ko‘rib chiqilishi kerak. Bu hodisa esa bizni shunchaki “Share” tugmasining ortidagi tahdidlarni yana bir bor o‘ylab ko‘rishga majbur qiladi.
Fikr bildirish