IT Park Uzbekistan delegatsiyasi Ar-Riyod shahriga tashrif buyurib, IT-xizmatlar eksportini ilgari surish va xalqaro hamkorlikni kengaytirish bo‘yicha muzokaralar olib bordi. Tashrif davomida 10 ta kompaniya uchun maxsus stendlar tashkil etilib, Saudiya Arabistonining investor va texnologik kompaniyalari bilan 80 dan ortiq uchrashuvlar o‘tkazildi.
Sarmo Labs Telos House bilan shartnoma imzoladi, kpi.com esa Fai bilan hamkorlik memorandumi tuzdi. Edsmart ta’lim va investitsiya sohalari vakillari bilan 20 dan ortiq muzokaralar olib bordi. Shu bilan birga, XCDM sun’iy intellektni Iroqning eng yirik yetkazib berish xizmati Talabatey bilan integratsiya qilish bo‘yicha muzokaralar olib bormoqda. PDP esa Prospectuz DGTAL va O’Reilly Platform bilan amaliyot dasturlarini muhokama qilmoqda.
Bundan tashqari, OneBuy Technology, Dataprizma, Weltech LLC, iQtidorli va Testbor.com kabi startaplar ham muhim hamkorlik va kelishuvlarga erishdi. IT Park Uzbekistanning ushbu tashrifi Oʻzbekiston va Saudiya Arabistoni oʻrtasidagi texnologik aloqalarni mustahkamlab, xalqaro miqyosda IT-sektor rivoji uchun yangi imkoniyatlar ochdi.
Fikr bildirish