OpenAI o‘zining sun’iy intellekt yordamchisi — Operator’ni yangi, yanada kuchli o3 modeli asosida yangilamoqda. Bu yangi versiya ilgari ishlatilgan GPT-4o modelidan ancha aqlli va ayniqsa mantiqiy yechimlar, hisob-kitoblar bo‘yicha ustun.
OpenAI blog postida yozilishicha, endilikda Operator foydalanuvchi topshiriqlarini bajarish uchun internetni o‘zi kezadi, ba’zi dasturlarni masofaviy kompyuterda mustaqil ishga tushira oladi. Yangilangan model esa kompyuterdan xavfsiz foydalanish bo‘yicha maxsus ma’lumotlar asosida o‘qitilgan.
Nima o‘zgardi?
- Operator endi o3 modeliga asoslangan.
- Bu model GPT-4o’dan farqli o‘laroq, xavfli yoki nojo‘ya so‘rovlarni kamroq bajarayotgani aniqlangan.
- Prompt injection kabi AI xurujlariga nisbatan ham chidamliroq.
- o3 Operator hali ham kod yozishni biladi, lekin to‘g‘ridan-to‘g‘ri terminalga ulanmaydi.
Hozirda sun’iy intellekt kompaniyalari bir-biridan o‘zib ketishga harakat qilmoqda. Masalan, Google o‘zining Gemini API orqali “kompyuter yordamchisi”ni, Anthropic esa fayl ochish va web sahifalarni boshqarishga qodir agentlarini chiqardi.
OpenAI esa xavfsizlikni ustuvor deb biladi: “o3 Operator — xavfsizlikni bir necha qatlamli yondashuv orqali ta’minlaydi”, deyiladi kompaniya bayonotida.
Fikr bildirish