Yangi investitsiya ma’lumotlari bilan to’ldirilgan hisobot
Pivot.uz ochiq manbalar asosida tayyorlagan hisobotga ko’ra, 2026-yilning yanvar–mart oylari davomida 10 ta venchur fond 24 ta startapga jami $148,6 million investitsiya kiritdi. 24 ta bitimdan 16 tasi mahalliy startaplarga, qolganlari esa xorij bozoriga kirgan startaplarga to’g’ri keladi.
Investitsiyaning $131,5 millioni Uzumning Series A raundiga to’g’ri keladi. Xalqaro investorlar — VR Capital, Tencent va FinSight — O’zbekistonning eng yirik e-commerce platformasiga pul kiritdi. Uzum chiqarilganda qolgan 23 ta startapning jami hajmi $17,1 million, o’rtacha chek esa $743 ming.
Datatruck: mahalliy investitsiyadan xalqaro raundigacha
Chorakning eng bitimlaridan biri — Datatruck. AQSh bozorida ishlovchi Freight Tech SaaS platformasi bo’lgan Datatruck logistika sohasidagi moliyaviy va operatsion jarayonlarni sun’iy intellekt asosida avtomatlashtiradi va optimallashtiradi. AloqaVentures Datatruck startapiga 2025-yilning fevral oyida dastlabki investitsiyasini kiritgan edi. Bu mahalliy fond uchun erta bosqichdagi tanlovning mevasi bo’ldi — 2026-yilning yanvar oyida Datatruck $12 million miqdorida Series A raundini muvaffaqiyatli yopdi. Raundda Amerikalik va mahalliy investorlar ishtirok etdi.
2026-yil birinchi choragida esa AloqaVentures $485,000, IT Park Ventures esa $750,000 miqdorida yana bir bor co-invest qildi. Bu O’zbekiston ekotizimida yirik co-investment formatining amaliyotda ishlayotganini ko’rsatadi: mahalliy fondlar o’z portfel startaplarining keyingi raundlarida ham ishtirok etdi.
IT Park Ventures va Aloqa Ventures
Kapital hajmi bo’yicha IT Park Ventures chorakda 5 ta bitim bilan $2,260,000 investitsiya kiritdi — bu mahalliy fondlar orasida eng yirik ko’rsatkich. Portfelida SaaS yo’nalishidagi Smartup ($1,000,000) va Datatruck co-invest ($750,000) yetakchilik qilmoqda. EdTech startapi Edufuse ham IT Park Ventures portfeliga Pre-seed bosqichida qo’shildi.
AloqaVentures 7 ta bitim bilan chorakning eng faol fondi — Datatruck co-investi ($485,000) va AI/ML startapi Aino World ($150,000) portfelining yirik bitimlariga kirdi. Bitimlar soni bo’yicha AloqaVentures 7 ta bitim bilan yetakchi. Imkon Ventures 6 ta bitim bilan ikkinchi o’rinda — barcha bitimlar Pre-seed bosqichida, o’rtacha chek $34,167. Fond ekotizimning eng erta bosqichida ishlab kelmoqda: Darstop, Asaxiy Invest, Karmon AI, Orif AI, Haysam School va Rentzor kabi portfel startaplariga ega.
Pre-seed bosqichida 7 ta bitim — soni jihatidan eng ko’p. Lekin ularga yo’naltirilgan jami kapital $355,000 — barcha bosqichlar orasida eng kam. Growth Stage va Seed bosqichlari birgalikda $3,26 million, Series A esa Uzum hisobiga $143,5 million. O’rtadagi bo’shliq — $500,000 dan $5 milliongacha bo’lgan raundlar — hali yopilmagan.
Datatruck bu bo’shliqni qanday yopish mumkinligini ko’rsatdi: mahalliy fond erta bosqichda kirdi, startap o’sdi, xalqaro kapital yetib keldi. Bu bitta misol — tendentsiya emas. Lekin signal sifatida ahamiyatli.
Barcha ma’lumotlar oshkor manbalar asosida to’plangan. To’liq hisobot uchun havola
