2026-yilning 1-yanvar kuni Startup Garage rezidenti hisoblangan Learnify.uz platformasi o‘zining ilk investitsiya raundini muvaffaqiyatli yakunlaganini e’lon qildi. Loyiha Angel investor Anvar Abduqayumdan $1 million baholash (valuation) asosida $100,000 miqdorida sarmoya jalb etdi.
Creative Economy: Yangi davr platformasi
Bugungi kunda global Creative Economy (Ijodkorlar iqtisodiyoti) bozori $250 mlrd dollarni tashkil etmoqda va 2027-yilga kelib $480 mlrdga yetishi prognoz qilinmoqda. Tadqiqotlar shuni ko‘rsatadiki, Gen Z avlodi an’anaviy ta’limdan ko‘ra, hamjamiyat (community) asosidagi o‘rganish formatini afzal ko‘rmoqda. Learnify.uz aynan shu global trendning markazida turib, ekspertlar va talabalarni yagona raqamli ekotizimda birlashtiradi.
Ushbu raundda investor sifatida ishtirok etgan taniqli tadbirkor va Angel investor Anvar Abduqayumning ta’kidlashicha, loyihaning salohiyati uning jamoasi va qisqa muddatdagi natijalarida ko‘ringan.
«Angel investorlar tomonidan startaplarga kiritilayotgan sarmoya — bu nafaqat moliyaviy qo‘llab-quvvatlash, balki O‘zbekiston texnologik ekotizimining o‘sishiga qo‘shilgan muhim hissadir,» — deydi Anvar Abduqayum.
Platforma asoschisi Xayot Sharapov ta’lim sohasidagi biznes tajribasini texnologik startap formatiga muvaffaqiyatli o‘tkaza oldi. Startup Garage akseleratsiya dasturi rezidenti sifatida platforma qisqa vaqt ichida barqaror foydalanuvchilar oqimini shakllantirishga erishdi.
«Bizning maqsadimiz — shunchaki kurslar sotish emas, balki bilim almashish madaniyatini hamjamiyatlar orqali yangi bosqichga olib chiqish. Ushbu investitsiya bizga platforma imkoniyatlarini kengaytirish va foydalanuvchilarga yanada ko‘proq qiymat berishda yordam beradi,» — deya qayd etdi Xayot Sharapov.
Learnify.uz haqida:
Learnify.uz — bu ekspertlar uchun o‘z hamjamiyatlarini yaratish, kontentni monetizatsiya qilish va talabalar uchun interaktiv ta’lim olish imkoniyatini beruvchi innovatsion platformadir. Loyiha hozirda O‘zbekistondagi eng istiqbolli EdTech startaplaridan biri hisoblanadi.
Materialdan foydalanganda Pivot.uz’ni manba sifatida ko’rsating!
