Oʻzbekiston tadbirkorlar uchun qarz yigʻilishi sabab elektr energiyasini oʻchirish amaliyotini tugatishni maqsad qilgan boʻlib, bu tashabbus prezidentning «Tadbirkorlar uchun teng sharoitlar va adolatli raqobat muhitini taʼminlash boʻyicha navbatdagi chora-tadbirlar toʻgʻrisida»gi farmonida belgilangan.
Taklif etilayotgan «yoʻl xaritasi» samarador bo’lmagan energiya iste’molida moliyaviy va ma’muriy javobgarlik mexanizmlarini qayta koʻrib chiqishni nazarda tutadi. Ayniqsa, bino yoritilishi masalasiga alohida eʼtibor qaratilib, resurslardan oqilona foydalanish tamoyillari va tadbirkorlik faoliyatining oʻziga xos xususiyatlari inobatga olinadi.
Islohotning muhim jihatlaridan biri elektr energiyasini oʻchirishni qarzni boʻlib-boʻlib toʻlash tizimi bilan almashtirish taklifidir.
Qonun loyihasi Elektr energiyasi, neft mahsulotlari va gazdan foydalanishni nazorat qilish inspeksiyasi, Biznes ombudsmani va Savdo-sanoat palatasi tomonidan ishlab chiqiladi va 2025-yil mart oyigacha yakunlanishi kutilmoqda.
