TBC Bank Uzbekistan hamda Payme platformasining yagona egasi bo‘lgan TBC Digital kompaniyasi umumiy qiymati 4 trillion 19 milliard so‘mga teng bo‘lgan oddiy aksiyalarni joylashtirishni boshlamoqda. Aksiyalarning har biri 1000 so‘mdan baholanib, jami 4 million 19 ming dona emissiya qilingan.
Korporativ axborot portalida qayd etilishicha, mazkur aksiyalar 2025 yil 15 may kuni davlat ro‘yxatidan o‘tkazilgan va ularni yopiq joylashtirish shaklida sotish ko‘zda tutilgan.
E’tiborga molik jihati shundaki, 2025 yil mart oyida TBC Bank Group PLC Yevropa tiklanish va taraqqiyot banki (ETTB) hamda Xalqaro moliya korporatsiyasi (IFC) bilan hamkorlikda O‘zbekistonda yagona boshqaruv kompaniyasi — TBC Digital’ni tashkil etish bo‘yicha kelishuvga erishgan edi. Bu kompaniya TBC Group’ning mamlakatdagi barcha faoliyatlarini, jumladan Payme fintex xizmatini ham o‘z ichiga oladi. Kompaniya rahbari lavozimiga Nika Kurdiani tayinlangan.
Shuningdek, 2024 yil oxirida TBC Bank Uzbekistan 128 milliard so‘mlik obligatsiyalarni yopiq obuna shaklida joylashtirganini ham qayd etish joiz.
