Microsoft o‘zining yillik Build 2025 konferensiyasida Windows operatsion tizimi uchun sun’iy intellektga asoslangan ilovalar yaratishni soddalashtiruvchi yangi platformani — Windows AI Foundry ni e’lon qildi. Bu platforma avvalgi Windows Copilot Runtime xizmatining kengaytirilgan va yangilangan shaklidir.
Microsoft yangi platformani “lokal AI rivojlantirish uchun yagona ekotizim” deb ta’riflamoqda. U ishlab chiquvchilarga o‘z AI modellarini qurish, optimallashtirish va Windows asosidagi qurilmalarda ishga tushirish imkonini beradi. Bu oraliqda, kompaniya AI’ni o‘zining strategik ustunliklaridan biri sifatida ko‘rayotgani yaqqol seziladi — Microsoft bosh direktori Satya Nadella yanvar oyida kompaniyaning AI daromadi yiliga $13 milliardga yetganini ma’lum qilgan edi.
Nimalar o’zgardi
Windows AI Foundry ishlab chiquvchi muhitni sezilarli darajada avtomatlashtiradi:
- Qurilma apparatini (CPU, GPU, NPU) avtomatik aniqlaydi va mos AI modellarini tavsiya qiladi;
- Zarur komponentlarni avtomatik yuklab oladi va yangilab boradi;
- AI modellarini tayyorlash, sinovdan o‘tkazish va integratsiya qilish jarayonini soddalashtiradi.
Windows AI Foundry Shuningdek, Windows AI Foundry tarkibida yangi Foundry Local servisi ham bor. Bu vosita modellarni to‘g‘ridan-to‘g‘ri foydalanuvchi qurilmasida ishlatishga mo‘ljallangan. Foundry Local:
- Windows va macOS tizimlarida ishlaydi;
- ONNX Runtime asosida qurilgan;
- Komanda qatori orqali modellarni ishga tushirishni qo‘llab-quvvatlaydi
- SDK yordamida AI funksiyalarini ilovalarga integratsiya qilishni soddalashtiradi.
Katta ekotizimga qadam
Microsoft AI asosida ishlovchi ilovalar yaratishni Windows foydalanuvchilari uchun qulaylashtirish orqali o‘z ekotizimini yanada mustahkamlashni maqsad qilmoqda. Garchi kompaniya uchinchi tomon ilovalari orqali bevosita daromad olmasa-da, platformadagi AI vositalarining ommaviylashuvi Microsoft’ning pozitsiyasini mustahkamlaydi.
Windows AI Foundry — bu faqat texnologik o‘zgarish emas, balki Windows’ning kelajakdagi strategik yo‘nalishiga ochilgan eshikdir.
