Aprel oyida O‘zbekistonda Yandex Market Go platformasida savdolar boshlanadi. Ishga tushirish bosqichida kompaniya radio va televideniyedan tortib tashqi reklama hamda raqamli targ‘ibotgacha bo‘lgan barcha kanallar orqali keng ko‘lamli reklama kampaniyasini o‘tkazishni va’da qilmoqda. Shuningdek, marketpleys mahsulotlari Yandex’ning taksi va oziq-ovqat yetkazib berish xizmatlari orqali ham targ‘ib qilinadi.
Sotuvchilar uchun ro‘yxatdan o‘tish allaqachon ochilgan, shartnomalarni tasdiqlash jarayoni esa boshlangan. Dastlabki bosqichda mahsulotlarni saqlash bepul bo‘ladi, pullik xizmatlar tariflari esa keyinroq e’lon qilinadi. Kompensatsiya olish uchun ofisga borish talab etilmaydi, jarayon shaxsiy kabinet orqali amalga oshiriladi, arizalarni ko‘rib chiqish muddati 35 kungacha. To‘lovlar sotuvchi tomonidan tanlangan jadvalga muvofiq eng yaqin to‘lov bilan birga amalga oshiriladi.
Platformaning asosiy afzalliklaridan biri “Split” muddatli to‘lov dasturi bo‘lib, u barcha xaridorlar uchun qo‘shimcha to‘lovlarsiz taqdim etiladi. Dastlabki oylar davomida ushbu muddat ikki oy bo‘lib, kelajakda uni uzaytirish rejalashtirilgan. Bundan tashqari, shaxsiy kabinet orqali bir nechta do‘konni boshqarish va ularni individual sozlash imkoniyati mavjud bo‘ladi.
