Prezident boshchiligida 7-fevral kuni o‘tkazilgan xizmat ko‘rsatish sohasini rivojlantirish bo‘yicha videoselektorda Savdo va servis tadbirkorlar uyushmasini tashkil etish taklifi qo’llab-quvvatlandi.
Uyushma 10 ta ta’sischi bilan birgalikda tashkil etilgan bo’lib, unga “Korzinka” supermarketlari tarmog‘i asoschisi Zafar Hoshimov rahbar etib tayinlandi. Bu haqda o’zining “Telegram”-kanalida ma’lum qildi.
Hoshimov uyushmani tadbirkorlar, davlat tuzilmalari hamda savdo va xizmat ko‘rsatish sohasida biznesni rivojlantirishni istagan barchani qo‘llab-quvvatlovchi “madad, yordam, maslahat va ekspertiza markazi” ekanligini aytib o’tdi.
Uyushma ta’lim sohasini, kommunal xizmatlarni ham qamrab olishini qayd etdi. Uni rivojlantirish natijasida mamlakatda ishsizlik va kambag‘allikni kamaytirishga erishilishiga ishonch bildirdi.
Zafar Hoshimov Chakana savdo va umumiy ovqatlanish korxonalari uyushmasi raisi sifatida “O‘zbekiston 24” telekanaliga bergan intervyusida yangi uyushma ta’sischilariga qarashli kompaniyalarda 50 ming kishi ish bilan ta’minlanganini aytdi.
Fikr bildirish