Bugun IT Park O‘zbekiston Saudiya Arabistonining Ar-Riyod shahrida o‘z vakolatxonasini rasmiy ravishda ochdi. Ochilish marosimi shahar innovatsion markazi bo‘lgan The Garageda bo‘lib o‘tdi. Tadbirni O‘zbekistonning raqamli texnologiyalar vaziri Sherzod Shermatov ochib berdi va bu qadam ikki davlat o‘rtasidagi texnologik va iqtisodiy hamkorlikni rivojlantirishda katta ahamiyatga ega ekanini ta’kidladi.
Yangi vakolatxona startaplar, texnologiya kompaniyalari va investorlar uchun hamkorlik ko‘prigi bo‘lib xizmat qiladi va raqamli iqtisodiyotning rivojlanishiga yo‘l ochadi.
