Generativ sun’iy intellekt bozori tobora keskinlashib borar ekan, Markaziy Osiyodan chiqqan tadbirkorlardan biri — Higgsfield AI unicorn startapi asoschisi Alex Mashrabov — global miqyosda tobora ko‘proq e’tibor qozonmoqda. Pivot Talk doirasidagi suhbatda o‘z kelib chiqishi, startap yo‘li va yoshlar uchun beradigan muhim saboqlari haqida gapirdi.
“Ota-onam mexanika muhandisligi professorlari. Otam Andijondan. Ular meni Amerikada o‘qishimni istashgan, lekin men avval MIPTga — Rossiyaning eng kuchli texnika universitetlaridan biriga — o‘qishga kirdim. David Yan va Nikolay Storonskiy kabi mashhur texnologiya tadbirkorlari ham MIPT bitiruvchilari. Men ham ulardan biroz tadbirkorlik ruhini meros olgandirman deb o‘ylayman.”
“18 yoshimda Meta’dagi amaliyot taklifidan voz kechish boshida xato bo‘lgandek tuyilgandi. Lekin vaqt o‘tib qarasam, bu hayotimdagi eng to‘g‘ri qarorlardan biri ekan,” deydi u.
Uning aytishicha, turli musobaqalarda qatnashish insonni o‘zini ko‘rsata olishga o‘rgatadi. Ayniqsa yosh davrda — 20 yoshgacha — ichki dunyoni va o‘z-o‘ziga munosabatni o‘zgartirish juda oson. Shuning uchun u yoshlarning turli tajribalar, yangi va hatto noqulay vaziyatlarga o‘zlarini tashlab ko‘rishlari lozimligini ta’kidlaydi. Bu o‘sishni tezlashtiradi.
To‘liq suhbatni YouTube sahifamizda tomosha qiling:
