Alif AQShning xususiy kredit fondlarini boshqaruvchi Accial Capital kompaniyasidan $20 million investitsiya jalb qildi. Bitim Nairang Capital va TMT Global Advisors’ning maslahat ko‘magi bilan amalga oshirildi.
Mablag‘lar Nasiya xizmatining imkoniyatlarini kengaytirish, uning bozordagi mavqeini mustahkamlash va O‘zbekistonda moliyaviy xizmatlardan foydalanish imkoniyatlarini oshirishga yo‘naltiriladi.
Nasiya xizmati orqali Alif O‘zbekistonda shariatga mos chakana moliyalashtirishni taqdim etadi, bu xizmat tovar va xizmatlar uchun 24 oygacha bo‘lgan muddatda to‘lovni amalga oshirish imkonini beradi. Jalb qilingan barcha mablag‘lar islomiy moliyalashtirish prinsiplari asosida tuzilgan bo‘lib, bu Alif’ning shariat talablariga va axloqiy moliyaviy amaliyotlarga sodiqligini ta’kidlaydi.
Ushbu oxirgi investitsiyalarni inobatga olgan holda, Alif 2024-yilda xalqaro investorlar tomonidan O‘zbekistonga jalb qilgan jami mablag‘lari taxminan $50 millionni tashkil etdi. O‘zbekiston bozoriga kirgandan buyon Alif O‘zbekiston uchun $150 milliondan ortiq aksiyadorlik va qarz investitsiyalarini jalb qildi. Bu kompaniyaning barqaror o‘sishini va Markaziy Osiyoda moliyaviy infratuzilmani rivojlantirishdagi asosiy roliga bo‘lgan investorlarning ishonchini aks ettiradi.
