DataTruck (Fintruck) — AQSh bozorida sun’iy intellekt asosida ishlovchi Freight Tech SaaS platformasi bo‘lib, logistika sohasidagi moliyaviy, operatsion jarayonlarni optimallashtirib, vaqt va xarajatlarni qisqastiradi.
AloqaVentures $300 000 va IT Park Ventures $250 000 tomonidan DataTruck kompaniyasiga Pre-Series A bridge raundida investitsiya kiritildi. Ushbu investitsiya AQSh bozoridagi sotuvlarni kengaytirish, DataTruck’ning logistika sohasidagi operatsion jarayonlarini soddalashtirish va moliyaviy boshqaruvini takomillashtirishga yo‘naltiriladi.
DataTruck yuk tashish sanoatida vertikal SaaS texnologiyalarining yetakchilaridan biri bo‘lib, ilg‘or Transportni boshqarish tizimi (TMS) imkoniyatlarini moliyaviy vositalar va sun’iy intellekt asosidagi avtomatlashtirish bilan birlashtirmoqda.
Kompaniyaning TruckGPT sun’iy intellekt mexanizmi qo‘lda bajariladigan ishlarning 60% gacha bo‘lgan qismini avtomatlashtiradi, bu esa o‘rta va yirik yuk tashish kompaniyalari uchun samaradorlikni sezilarli darajada oshiradi.
Hozirda AQShda 250 ga yaqin yuk tashuvchi kompaniya ushbu dasturiy mahsulotdan foydalanmoqda.
