FAI va kpi.com Saudiya Arabistoni va Markaziy Osiyoda biznes boshqaruvini inqilobiy tarzda o‘zgartirish uchun hamkorlik qiladi

Ushbu hamkorlik mintaqadagi biznes operatsiyalarini avtomatlashtirish va tartibga solishning yangi bosqichini boshlab beradi

Riyod, Saudiya Arabistoni – 2025-yil 9-fevral – Saudiya Arabistonining yetakchi moliyaviy avtomatlashtirish va soliq boshqaruvi platformasi FAI sun’iy intellektga asoslangan biznes boshqaruv tizimi – kpi.com bilan strategik hamkorlikni yo‘lga qo‘ydi. Ushbu hamkorlik Saudiya Arabistoni va Markaziy Osiyodagi kompaniyalar uchun ilg‘or texnologiyalar orqali biznes jarayonlarini soddalashtirish, tartibga solish va samaradorlikni oshirishga qaratilgan.

Bu muhim kelishuv LEAP 2025 texnologiya konferensiyasida imzolangan bo‘lib, u mintaqada innovatsion rivojlanishning yangi davrini boshlab beradi. FAI’ning Saudiya Arabistonidagi tartibga soluvchi organlar talablariga moslashish bo‘yicha tajribasi kpi.com’ning AI orqali avtomatlashtirilgan echimlari bilan uyg‘unlashib, kompaniyalarga soliq tizimini boshqarish, ish jarayonlarini avtomatlashtirish va operatsion samaradorlikni oshirish imkonini beradi.

Saudiya Arabistonining o‘zgaruvchan soliq muhitida ishonchli yechim

Saudiya Arabistoni 2018-yilda QQS (VAT) tizimini joriy qilganidan buyon sezilarli soliq islohotlarini amalga oshirdi. 2020-yilda QQS stavkasi 5 foizdan 15 foizga oshirilgan bo‘lsa, so‘nggi yillarda soliq tizimi yanada qat’iylashtirildi. Bu esa kompaniyalarni hisobotlarni aniq yuritish, elektron invoislar va raqamli hujjatlar bilan ishlashda tartibga rioya qilish majburiyatiga olib keldi.

FAI kompaniyasi ZATCA (Zakat, Soliq va Bojxona Boshqarmasi) hamda FATOORA (milliy elektron hisob-faktura tizimi) talablariga mos keladigan ilg‘or xizmatlarni taqdim etadi. Platforma soliq deklaratsiyalarini tayyorlash, hujjatlarni avtomatlashtirish va moliyaviy hisobotlarni yuritish jarayonini soddalashtirishga yordam beradi.

«Ushbu hamkorlik mijozlarimizga biznes jarayonlarini soddalashtirish va tartibga solishga qaratilgan muhim qadamdir,» – deydi FAI asoschisi va bosh direktori Jassim Alharoon. «kpi.com bilan hamkorligimiz natijasida biz nafaqat samaradorlikni oshirish, balki Saudiya Arabistonining tez o‘zgarayotgan soliq muhitiga moslashish jarayonini ham yengillashtiramiz.»

Kpi.com sun’iy intellekt asosida ishlovchi platformasi buxgalteriya, HR, mijozlar bilan munosabatlarni boshqarish (CRM) va ombor tizimlari uchun ilg‘or echimlarni taklif etadi.

kpi.com bosh direktori Muzaffar Karabayev ham hamkorlik yuzasidan o‘z fikrlarini bildirdi:
«FAI bilan hamkorlik qilish biz uchun strategik jihatdan muhim qadam. Sun’iy intellekt yordamida rivojlanayotgan ilg‘or buxgalteriya moduli va boshqa vositalarimiz bilan birga, FAI Saudiya Arabistoni soliq qonunchiligiga to‘liq moslashuvni ta’minlovchi ishonchli hamkor bo‘lib xizmat qiladi.»

Bu hamkorlik bizneslarga qanday afzalliklar beradi?

AI orqali samaradorlik – Ish jarayonlarini avtomatlashtirish va real vaqtda tahlillar olish imkoniyati
Soliq qonunchiligiga moslashuv – Saudiya Arabistoni QQS, Zakat va boshqa moliyaviy talablarga to‘liq muvofiqlik
Integratsiyalangan biznes boshqaruvi – Buxgalteriya, HR, CRM va ombor tizimlarini yagona platforma orqali yuritish
Ma’lumotlarning xavfsizligi – Moliyaviy va operatsion ma’lumotlarni ilg‘or himoya vositalari bilan ta’minlash

FAI haqida

FAI – Saudiya Arabistonidagi kompaniyalar uchun moliyaviy avtomatlashtirish va soliq muvofiqligini ta’minlovchi platforma. Bu kichik va yirik bizneslar uchun buxgalteriya va soliq hisob-kitoblarini soddalashtirish, hujjatlarni avtomatlashtirish va mahalliy qonunchilik talablariga muvofiqlikni ta’minlashga yordam beradi.

FAI bugungi kunda 20 dan ortiq platforma hamkorligi va 6 mingdan ortiq kompaniya mijozlari bilan ishlaydi. Sun’iy intellekt bilan integratsiyalashgan tizim QQS hisobotlarini topshirish, tranzaktsiyalarni moslashtirish va moliyaviy hisobotlarni tayyorlash jarayonlarini sezilarli darajada soddalashtiradi. Saudiya Arabistoni raqamli transformatsiyani jadallashtirayotgan bir paytda, FAI bizneslarga soliq va moliyaviy muvofiqlikni ishonch bilan yuritishda yordam bermoqda.

Qo‘shimcha ma’lumot:
Vebsayt: www.fai.sa
X (Twitter): @AhadNetwork
LinkedIn: AhadNetwork

kpi.com haqida

kpi.com – sun’iy intellektga asoslangan, bulut texnologiyasiga moslashuvchan biznes boshqaruv platformasi. 2008-yilda tashkil etilgan kompaniya kichik va yirik bizneslar uchun murakkab jarayonlarni soddalashtirish maqsadida ishlab chiqilgan. Yillar davomida buxgalteriya, HR, loyihalar boshqaruvi, CRM va boshqa yo‘nalishlarni qamrab oluvchi to‘liq ekotizimga aylandi.

Bugungi kunda kpi.com 50 dan ortiq davlatda 10 mingdan ortiq foydalanuvchiga ega. Platforma mobil moslashuvchanligi, real vaqt rejimida ma’lumotlarga kirish imkoniyati va avtomatlashtirilgan jarayonlari bilan bizneslarga tezkor qarorlar qabul qilish, unumdorlikni oshirish va o‘sishga erishishda yordam beradi.

Qo‘shimcha ma’lumot:
Vebsayt: www.kpi.com
X (Twitter): @kpidotcom
LinkedIn: kpi.com – FinNet Limited