South Korean authorities temporarily restricted downloads of China’s DeepSeek AI app from local app Janubiy Koreya rasmiylari shanba kuni Xitoyning DeepSeek AI ilovasini mamlakatdagi ilovalar do‘konlaridan yuklab olishni vaqtincha chekladi. Bunga sabab sifatida foydalanuvchi ma’lumotlarining qanday yig‘ilishi va saqlanishi bo‘yicha baholash jarayoni olib borilayotgani ko‘rsatildi.
Shaxsiy ma’lumotlarni himoya qilish komissiyasi (PIPC) DeepSeek ilovasi Janubiy Koreya qonunlariga moslashtirilgach, yuklab olish imkoniyati qayta tiklanishini ma’lum qildi.
Mavjud foydalanuvchilarga qanday ta’sir qiladi?
- Ilova va veb-xizmatdan foydalanganlar unda ishlashda davom etishi mumkin.
- Rasmiylar DeepSeek’da shaxsiy ma’lumot kiritmaslikni qat’iy tavsiya qilmoqda.
Muammo nimada?
DeepSeek Janubiy Koreyada xizmatini boshlaganidan keyin, PIPC uning ma’lumotlarni qanday yig‘ishi va uchinchi tomonlarga uzatishini tekshirish uchun murojaat qilgan.
Natijada, DeepSeek Janubiy Koreya foydalanuvchilarining ma’lumotlarini TikTok’ning ota kompaniyasi ByteDance’ga uzatgani aniqlangan.
DeepSeek’ning javobi
- Kompaniya Janubiy Koreyaning shaxsiy ma’lumotlar himoyasi qonunlaridan bexabar bo‘lganini tan oldi.
- Mahalliy vakil tayinladi va hukumat bilan hamkorlik qilishga tayyorligini bildirdi.
Xavfsizlik bo‘yicha boshqa mamlakatlarning munosabati
DeepSeek’ning Xitoy kompaniyasi ekani sababli, Janubiy Koreyadan tashqari Avstraliya, Italiya va Tayvan ham bu xizmatdan ehtiyot bo‘lishga qaror qilgan:
- Avstraliya – hukumat qurilmalarida DeepSeek’dan foydalanishni taqiqladi.
- Italiya – DeepSeek’ning chatbot xizmatini blokladi.
- Tayvan – davlat idoralariga DeepSeek AI’dan foydalanishni taqiqladi.
Janubiy Koreya ma’lumotlar xavfsizligi borasida qat’iy choralar ko‘rmoqda. DeepSeek esa hukumat bilan ishlashga tayyorligini bildirgan, lekin yakuniy qaror hali e’lon qilinmagan. Shu sababli, rasmiylar foydalanuvchilarga ilovaga shaxsiy ma’lumot kiritmaslikni maslahat bermoqda.
