Tinder endi foydalanuvchilarga bo‘y bo‘yicha afzalliklarini ko‘rsatish imkonini bermoqda. Bu funksiya hozircha faqat Tinder Gold va Premium obunachilari uchun ochilgan va global sinov rejimida ishga tushirilgan.
Yangi sozlama qattiq filtr emas — ya’ni siz istamagan bo‘y egalarining profillari butunlay yashirilmaydi. Shunchaki algoritm sizga siz ko‘rsatgan afzalliklar asosida tavsiyalar beradi.
Tinder vakillarining aytishicha, bu yangilik foydalanuvchilar istaklariga asoslangan qaror: “Biz har doim Tinder foydalanuvchilariga nima muhimligini tinglaymiz. Bo‘y preferensiyasi funksiyasi — bizning maqsadli, tezkor va foydalanuvchi uchun foydali yechimlar yaratishga intilayotganimizni ko‘rsatadi.”
Bu yondashuv hozircha tajriba sifatida joriy etilmoqda va kelajakda doimiy funksiya bo‘lib qolishi yoki yo‘qolib ketishi mumkin.
Online tanishuv olamida tashqi ko‘rinishga urg‘u berish yangilik emas. Tinder’ning “chap/o‘ng swipe” tizimi allaqachon bu tendensiyani kuchaytirib yuborgan. Ayniqsa, ayollar profillarida “6 feetdan pastlar iltimos bezovta qilmasin” degan iboralar tez-tez uchraydi.
Tinder ilgari ham bu mavzuda hazil tariqasida “bo‘yni tekshiruvchi funksiya”ni e’lon qilgan, lekin bu April Fools g‘oyasi edi. Endi esa kompaniya bu mavzuga jiddiy yondashmoqda.
Tinder’ning bu yangiligi ayni paytda Match Group obunachilarining kamayib borayotgan fonida paydo bo‘ldi. O‘tgan yili pulli foydalanuvchilar soni 14.9 million bo‘lgan bo‘lsa, bu yil 14.2 millionga tushdi. Kompaniya bu funksiya orqali ayniqsa ayollar auditoriyasini ko‘proq jalb qilishni ko‘zlamoqda.
Tinder yangi funksiya orqali “yanada ongli tanlov” imkonini bermoqchi. Ammo bu yangilik kimlar uchundir qulaylik bo‘lsa, boshqalar uchun ortiqcha yuzaki mezonlarga tayanish deb qabul qilinishi mumkin.
Fikr bildirish