Apple 10 iyun kuni WWDC 2025’da yangi mobil operatsion tizimini taqdim etadi. Ammo bu safar faqat yangiliklar emas — butun tizim nomlanishi, dizayni va maqsadlari o‘zgarmoqda.
iOS 19 emas — iOS 26
Bloomberg xabariga ko‘ra, Apple endi raqamlar o‘rniga yil bo‘yicha nomlash tizimiga o‘tmoqda: iOS 26, iPadOS 26, macOS 26 va boshqalar. Bu avtomobil modellari yillari kabi tizimlashtirishga o‘xshaydi.
Dizayndagi eng katta o‘zgarish iOS 7’dan beri
Vision Pro ilhomi bilan yaratilgan yangi interfeys: shaffof panellar, yumaloq ikonlar, yanada uyg‘un Apple ekotizimi.
Apple’dan yangi gaming hub
Apple Arcade va App Store o‘yinlari bitta ilovada birlashadi. Yutuqlar, reytinglar va o‘yinlar markazi yaratilmoqda. Kompaniya o‘zining ilk game studiyasi — RAC7’ni sotib olgani ham tasdiqlandi.
AI-salomatlik murabbiyi
Apple foydalanuvchi sog‘lig‘ini kuzatib, sun’iy intellekt orqali maslahatlar beradi. Yangi Health ilovasida ovqat, kofein va uglevodlar nazorat qilinadi.
AI bilan aqlli batareya boshqaruvi
iPhone foydalanish odatlaringizni o‘rganib, quvvatni tejaydi. Ekranda to‘liq zaryadlanish vaqti ham ko‘rsatiladi. iPhone 17 Pro’da AirPods yoki Apple Watch’ni bevosita zaryadlash funksiyasi sinovdan o‘tyapti.
Xabarlar — avtomatik tarjima va AI-poll
Messages ilovasi avtomatik tarjima, guruhda ovoz berish (poll) va sun’iy intellekt asosidagi savol-taklif funksiyasini olishi kutilmoqda.
Siri haqida sukunat
Apple Intelligence’ning kuchli Siri versiyasi 2024’da namoyish etilgan, ammo hozircha bu funksiyalar kechiktirilmoqda.
