Boyqo‘ng‘ir kosmodromida «Bayterak» majmuasidan «Soyuz-5/Sunkar» raketasining ilk sinov parvozi amalga oshirildi. Parvoz parvoz-konstruktorlik sinovlari doirasida 45-maydonchadan yo‘naltirildi.
Uchirish davomida birinchi va ikkinchi pog‘onalar belgilangan tartibda ishladi, raketaning vazn-gabarit maketi esa hisoblangan trayektoriya bo‘ylab orbitaga chiqarildi. Bu natija majmuaning ekspluatatsiyaga tayyorligini hamda Qozog‘iston kosmik loyihalarini rivojlantirish imkoniyatini tasdiqladi.
«Bayterak» loyihasi zamonaviy uchirish infratuzilmasini yaratishni ko‘zda tutadi. Uning doirasida yer usti ob’ektlari, jumladan, boshqaruv, yonilg‘i quyish va xavfsizlik tizimlari modernizatsiya qilindi. Jarayonlarning yuqori darajada avtomatlashtirilgani va xalqaro standartlarga muvofiqligi alohida qayd etildi.
Majmua to‘liq uchirish siklini ta’minlovchi 40 dan ortiq texnik tizimni o‘z ichiga oladi. Konstruktorlarning ma’lumotlariga ko‘ra, «Soyuz-5» raketasi past orbitaga 17 tonnagacha foydali yukni olib chiqish quvvatiga ega. U kerosin va suyuq kislorodda ishlaydi.
Loyiha amalga oshirilishi Qozog‘istonning koinot sanoatidagi imkoniyatlarini, xususan, sun’iy yo‘ldoshlarni uchirish va infratuzilmani rivojlantirish yo‘nalishlarini kengaytirishi kutilmoqda.
Manba: https://www.gov.kz
