Meta sun’iy intellekt ekotizimini rivojlantirish maqsadida Scale AI kompaniyasiga 10 milliard dollardan ortiq investitsiya kiritishni muhokama qilmoqda. Bu haqda Bloomberg manbalariga tayanib xabar berdi. Agar bitim amalga oshsa, bu Meta tarixidagi eng yirik AI sarmoyasi bo‘ladi.
Scale AI OpenAI, Microsoft kabi kompaniyalar uchun AI model o‘qitishida zarur bo‘lgan data labeling xizmatini taqdim etadi. Kompaniya o‘tgan yili $870 million daromad qilgan, bu yil esa $2 milliard tushum kutilmoqda.
Bundan tashqari, kompaniya Meta’ning Llama 3 bazasida yaratilgan Defense Llama nomli harbiy sun’iy intellekt modelini ishlab chiqqan. Meta ilgari ham Scale AI’ning $1 milliardlik Series F raundida ishtirok etgan bo‘lib, o‘sha vaqtda kompaniya $13.8 milliardga baholangan.
