2025-yilning eng kutilgan tadbirlaridan biri — “AICA Awards 2025 named after Al-Khwarizmi” tantanali marosimi Markaziy Osiyo Universitetining EDVENT nomi ostidagi zalida bo’lib o’tdi. Tadbir ilhomlantiruvchi va professional muhitda o‘tib, sun’iy intellekt sohasidagi yetakchi startaplarni bir sahnaga jamladi.
Ushbu mukofotlar marosimi mintaqadagi eng ilg‘or loyihalarni aniqlash, ularni keng auditoriyaga tanitish va yangi texnologik yondashuvlarni targ‘ib qilish maqsadida tashkil etilgan. Quyida mukofotlarga sazovor bo‘lgan loyihalar haqida batafsil tanishing:
“Sun’iy intellekt sohasidagi eng yaxshi startap” — Úmit (Qozog‘iston)
Úmit — sun’iy intellekt asosida ishlovchi innovatsion startap bo‘lib, inson salomatligi va farovonligini oshirishga qaratilgan ilg‘or AI yechimlari bilan ajralib turadi.
1-prezentatsiya havolasi
2-prezentatsiya havolasi
“Sun’iy intellekt sohasidagi eng yaxshi ishlanma” — zehn.ai (Tojikiston)
zehn.ai sun’iy intellekt asosida ma’lumotlarni qayta ishlash va bilimlarni taqdim etishda zamonaviy yondashuvlar bilan ajralib turadi. Ular ishlab chiqqan texnologik yechim AICA tomonidan yuqori baholandi.
Sayt: zehnlab.ai
Prezentatsiya havolasi
“Sun’iy intellekt sohasidagi eng yaxshi ta’lim tashabbusi” — Shyraq AI (Qozog‘iston)
Shyraq AI — sun’iy intellekt sohasida bilim va ko‘nikmalarni ommalashtirishga qaratilgan ta’lim loyihasi. U yoshlar orasida AI savodxonligini oshirishda muhim rol o‘ynamoqda.
Sayt: shyraq.ai
Prezentatsiya havolasi
“Sog‘liqni saqlashdagi eng yaxshi AI-innovatsiya” — KinesteX AI (Turkmaniston)
KinesteX AI sun’iy intellekt asosida foydalanuvchilarning jismoniy harakatlarini tahlil qilish, salomatlikni kuzatish va profilaktika qilishga mo‘ljallangan zamonaviy yechimlarni taklif etmoqda.
Sayt: kinestex.com
Prezentatsiya havolasi
“Biznesda sun’iy intellektni eng yaxshi qo‘llanilishi” — Aisha AI (O‘zbekiston)
Aisha AI O‘zbekistonda sun’iy intellektni biznes jarayonlariga joriy etib, samaradorlikni oshirishga xizmat qilmoqda. Kompaniyaning AI yechimlari savdo, mijozlar bilan aloqalar va tahlil jarayonlarini soddalashtiradi.
Sayt: aisha.group
Prezentatsiya havolasi
“Agrotexnikada sun’iy intellektdan eng yaxshi foydalanish” — ARA (Qozog‘iston)
ARA — sun’iy intellekt orqali qishloq xo‘jaligida aniqlik, samaradorlik va resurslarni tejashni maqsad qilgan loyiha bo‘lib, AICA tomonidan e’tirof etildi.
AICA Awards 2025 marosimi quyidagi tashkilotlar hamkorligida muvaffaqiyatli o’tkazildi: Uzum, EDEVENT by Central Asian University, IT Park Uzbekistan, Ustoz AI va Startup Garage.
Fikr bildirish