Biznes uchun mijoz bilan muloqot savdo jarayonining muhim qismiga aylangan. Mijoz narxni so‘rashi, mahsulot haqida ma’lumot olishi yoki buyurtma berishga tayyor bo‘lishi mumkin. Ammo menejer band bo‘lsa va javob kechiksa, potensial mijoz boshqa kompaniyaga murojaat qilishi mumkin.
Gramir — O‘zbekistonda ishlab chiqilgan, Instagram, Telegram va Facebook’da mijozlar bilan muloqotni avtomatlashtiruvchi AI agent platformasi.
Platforma mijozlarning xabarlariga bir necha soniyada javob beradi va biznes tomonidan taqdim etilgan ma’lumotlar asosida mahsulot yoki xizmatlar haqida ma’lumot beradi. Shuningdek, Instagram Direct’dagi xabarlar va izohlarni boshqarishi, murakkab yoki individual masalalarda esa suhbatni menejerga o‘tkazishi mumkin.
Gramir nimalarni qila oladi?
Gramir:
- mijozlarning xabarlariga bir necha soniyada javob beradi;
- mahsulot va xizmatlar haqida ma’lumot beradi;
- Instagram Direct va izohlarni boshqaradi;
- to‘g‘ri sozlanganda, mijoz bilan tabiiy muloqot qiladi;
- zarur holatlarda suhbatni menejerga o‘tkazadi;
- ommaviy xabarlar yuborish imkonini beradi;
- potensial mijozlarni CRM yoki Telegram’ga yuboradi;
- 24/7, jumladan ish vaqtidan tashqarida ham ishlaydi.
Masalan, mijoz kechki payt Instagram orqali mahsulot narxini so‘rasa, Gramir menejerning ertalab javob berishini kutmasdan, mavjud ma’lumotlar asosida darhol javob berishi mumkin. Bu biznesga menejerlar band bo‘lgan vaqtda ham kelayotgan murojaatlarni e’tiborsiz qoldirmaslik imkonini beradi.
Gramir ma’lumotlariga ko‘ra, hozirda 1 500+ foydalanuvchi va 35+ biznes mijozlar bilan muloqotni avtomatlashtirish uchun platformadan foydalanmoqda. Ular orasida ta’lim, savdo va xizmat ko‘rsatish sohasidagi bizneslar bor.
Gramir, shuningdek, AloqaVentures’dan $20 ming investitsiya olgan. Investitsiya platformani rivojlantirish va bizneslar uchun imkoniyatlarini kengaytirishga yo‘naltirilmoqda.
Gramir’ni 7 kun davomida bepul sinab ko‘rish va AI yordamida mijozlar bilan muloqotni avtomatlashtirish imkoniyatlarini amalda ko‘rish mumkin.
