Ijtimoiy tarmoqlarda Manus nomli yangi xitoylik sun’iy intellekt agenti tez ommalashmoqda. Ko‘pchilik uni “ikkinchi DeepSeek” deb atamoqda. Manus ManusAI jamoasi tomonidan ishlab chiqilgan va 2025-yil 5-mart kuni taqdim etilgan. U to‘liq avtonom AI-agent bo‘lib, foydalanuvchining doimiy nazoratisiz murakkab vazifalarni mustaqil bajara oladi.
Manus qanday ishlaydi?
- Manus fondagi jarayonlarni boshqaradi, ya’ni bir nechta ilovalar va brauzer oynalarida mustaqil ishlaydi. U vazifalarni bajarishning eng samarali usullarini tanlaydi.
- GAIA testi (AI-agentlarning internet sahifalarida tahlil qilish va harakat qilish qobiliyatini o‘lchaydigan test) natijalariga ko‘ra, Manus OpenAI’ning Deep Research modelidan ham kuchli ekanligini isbotladi.
- Masalan, agar “San-Fransiskodan kvartira topish” bo‘yicha so‘rov berilsa, Manus nafaqat ijara narxlari, balki jinoyatchilik statistikasi va iqlim sharoitlarini ham hisobga olib, eng yaxshi variantlarni taklif qiladi.
Foydalanuvchilar qanday foydalanishi mumkin?
Manus’ning ishlab chiquvchilari uning real vaqt rejimida qanday ishlashini namoyish etuvchi demo videolarni e’lon qilishdi. U quyidagi vazifalarni bajara oladi:
- Kompaniyalarining moliyaviy ko‘rsatkichlarini tahlil qilish
- Sayohatlarni rejalashtirish
- Biznes uchun yetkazib beruvchilarni topish
Manus hozircha yopiq beta-versiyada, uni sinab ko‘rish uchun ishlab chiqaruvchining rasmiy veb-saytidagi ariza formasini to‘ldirish talab etiladi.
Fikr bildirish