ChatGPT yaratuvchisi OpenAI 8-iyunda, AQSh qimmatli qog’ozlar va birja komissiyasiga (SEC) maxfiy IPO hujjatlarini topshirganini e’lon qildi. Kompaniya bu haqda o’zi xabar berdi .
Hozirda OpenAI ning birjadagi bahosi $852 mlrd. Mart oyida yopilgan $122 mlrd lik moliyalashtirish raundi — Silikon vodiysi tarixidagi eng yirik shaxsiy moliyalashtirish — kompaniyani birjaga chiqishdan oldingi eng qimmat startapga aylantirdi. Amazon, Nvidia, SoftBank va Microsoft kabi gigantlar bu raundda ishtirok etdi. Hozirda kompaniya oyiga $2 mlrd daromad keltirayapti.
Goldman Sachs va Morgan Stanley IPO jarayonini boshqarmoqda, kuz oylarida — ehtimol sentyabrda — birjaga chiqish rejalashtirilgan. Biroq OpenAI o’zi muddatni aniq belgilamagan: «Xususiy kompaniya sifatida qilmoqchi bo’lgan ishlarimiz bor, shuning uchun hali vaqt belgilamadik.»
Moliyaviy prognozlarga ko’ra, OpenAI 2028 yilga kelib faqat AI tadqiqotlari uchun hisoblash quvvatiga $100 mlrd dan ortiq sarflaydi va $85 mlrd zarar ko’rishi kutilmoqda — hatto savdoni ikki baravar oshirsa ham. Ya’ni kompaniya investorlardan kamida yana 4 yil davomida ziyon ko’rishga chidashni so’ramoqda.
Bu orada asosiy raqib Anthropic bir hafta oldin — 1-iyunda — o’z IPO hujjatlarini $965 mlrd bahovida topshirdi. SpaceX esa allaqachon $1.77 trillion narx bilan investor roadshow boshlagan. Ikki haftada uchta gigant birjaga chiqish poygasiga kirishdi — bu AI davrining eng katta kapital musobaqasiga aylanmoqda.
