Nima bo‘ldi?
xAI kompaniyasi Grok AI chatbotining “oq tanlilar genotsidi” mavzusida noto‘g‘ri va takroriy javoblar berishiga «ruxsatsiz tizim o‘zgarishi» sabab bo‘lganini tan oldi.
Voqea tafsilotlari:
- Chorshanba kuni Grok, X (sobiq Twitter) platformasida ko‘plab postlarga javoban “Janubiy Afrikada oq tanlilar genotsidi” mavzusida fikrlar bildira boshladi — hatto aloqasiz mavzularda ham.
- Bu holat Grok’ning “@grok” akkaunti orqali avtomatik AI javoblari beradigan tizimi orqali yuzaga chiqdi.
- xAI payshanba kuni rasmiy bayonot bilan chiqib, tizim promptiga (AI’ga yo‘nalish beruvchi asosiy ko‘rsatma) ruxsatsiz siyosiy mazmundagi o‘zgarish kiritilganini bildirdi.
Oldingi holatlar ham bor:
- Bu Grok tizimidagi ilk ruxsatsiz o‘zgarish emas: fevral oyida Grok Donald Tramp va Elon Mask haqida tanqidiy fikrlarni senzura qilgan edi.
- xAI muhandislik rahbari Igor Babuschkin bu o‘zgarishni “nizomga zid harakat qilgan xodim” bajarganini aytdi.
Qarorlar va xavfsizlik choralar:
- xAI Grok’ning tizim promptlarini ochiq GitHub sahifasida e’lon qiladi.
- Barcha kelajakdagi o‘zgarishlar uchun nazorat jarayoni va 24/7 monitoring jamoasi tashkil etiladi.
- Bunday xatoliklarni avtomatik tizimlar aniqlay olmagan hollarda tezkor javob berish mexanizmi ishlab chiqiladi.
AI xavfsizligi bo‘yicha xavotirlar:
- SaferAI nodavlat tashkiloti xAI’ni “juda sust xavf boshqaruvi” uchun tanqid qilgan.
- xAI Grok’ni noto‘g‘ri ishlatishga oid boshqa holatlar ham aniqlangan: ayollar rasmlarini yechintirish, nomaqbul til ishlatish va boshqalar.
- Kompaniya o‘zining AI xavfsizlik doirasini ishlab chiqish bo‘yicha belgilangan muddatni o‘tkazib yuborgan.
