MOST C-Space Hub’ning ikki yillik faoliyati nishonlandi. Tadbir mintaqadagi startaplar, investorlar, venchur fondlari va biznes hamjamiyatini bir joyga jamladi.
Dastur doirasida “Venchur integratsiyasi: Mintaqaning kelajagi” mavzusida Fireside Chat bo‘lib o‘tdi. Unda MOST Holding bosh direktori Pavel Koktyshev, Justart VC Studio asoschisi Baxt Niyazov hamda C-Space asoschisi Dilmurod Xodiyev ishtirok etdilar. Spikerlar Markaziy Osiyo venchur bozoridagi rivojlanish tendensiyalari, ekotizimlarning integratsiyasi istiqbollari hamda yangi o‘sish nuqtalarini shakllantirishda mintaqaviy xablarning o‘rnini muhokama qildilar.
“MOST C-Space Hub ikki yil ichida nafaqat uchrashuvlar maydonchasiga, balki tadbirkorlar, investorlar va yangi g‘oyalarni bog‘lovchi haqiqiy ko‘prikka aylandi. Biz uchun muhim jihat shundaki, aynan Toshkentda sinergiya nuqtasi shakllanmoqda, bu yerda mintaqaviy va global salohiyatga ega loyihalar tug‘ilmoqda. Biz birgalikda xalqaro miqyosda raqobat qila oladigan ekotizimni barpo etyapmiz”, – dedi Dilmurod Xodiyev, C-Space bosh direktori.
Munozaradan so‘ng startaplar pichinglari bo‘lib o‘tdi. Unda yosh kompaniyalar o‘z loyihalarini investorlar e’tiboriga havola etdilar. Piching jarayonida yangi texnologik yechimlar taqdim etildi, shuningdek, kelgusidagi moliyalashtirish va hamkorlik uchun aloqalar o‘rnatildi.
Kechaning muhim voqealaridan biri MOST Ventures va Yoshlar Ventures o‘rtasida Hamkorlik Memorandumining imzolanishi bo‘ldi. Ushbu hujjat startap-ekotizimni birgalikda rivojlantirish, tadbirkorlik tashabbuslarini qo‘llab-quvvatlash hamda venchur fondlari va akseleratorlari bilan xalqaro hamkorlikni kengaytirishni ko‘zda tutadi.
“So‘nggi yillarda biz O‘zbekiston va uning startap-ekotizimining jadal rivojlanishiga guvoh bo‘ldik. Biz C-Space’dagi hamkorimizga minnatdormiz, ular bilan tizimli ravishda ekotizimni rivojlantirishga harakat qildik va bu yil yanada ilg‘or dasturlar bilan yangi bosqichni rejalashtirdik. Biz uchun alohida ahamiyatga ega bo‘lgan yangilik – bu Yoshlar Ventures bilan hamkorlik, u tadbirkorlarga qo‘shimcha imkoniyatlar yaratadi va mintaqaning xalqaro aloqalarini mustahkamlaydi”, – dedi Pavel Koktyshev, MOST Holding bosh direktori.
“Yoshlar Ventures uchun MOST Ventures bilan hamkorlik O‘zbekiston va butun mintaqaning venchur bozorini rivojlantirish yo‘lidagi strategik qadamdir. Biz ishonamizki, sa’y-harakatlarni birlashtirish yosh tadbirkorlarga ko‘proq o‘sish imkoniyatlarini beradi va mintaqaga yangi xalqaro hamkorlarni jalb qiladi”, – dedi Abdulaziz Yoqubov, Yoshlar Ventures bosh direktori.
Tadbir yakunida VC Party Tashkent 2025 – mintaqadagi investorlar va startaplar uchun ilk yopiq formatdagi tadbir o‘tkazildi. Kecha netvorking va jonli muloqot ruhida o‘tdi, unda tadbirkorlar o‘z loyihalarini taqdim etdilar, investorlar esa yangi kelishuvlar tuzish va istiqbolli hamkorliklarni belgilash imkoniyatiga ega bo‘ldilar.
Hamkorlik
