Texnik yordamga muhtoj bo‘lganingizda, IT xodimlarining bandligi ko‘pincha sizni kutishga majbur qiladi. Biroq, sobiq Rippling mahsulot rahbari Andrei Serban bu muammoni AI orqali hal etishga bel bog‘ladi. Uning yangi startapi — Console, aynan shu yo‘nalishda faoliyat yuritadi.
Serban ilgari xavfsizlik startapi Fuzzbuzz’ni asos solgan va uni Rippling’ga sotgach, help desk (texnik yordam) sohasidagi muhim, biroq takrorlanuvchi vazifalarni sun’iy intellekt yordamida avtomatlashtirish imkoniyatini ko‘rdi. Shu orzu bilan u Rippling’dan ketib, Console’ni ishga tushirdi.
Nima qiladi? Console — Slack orqali ishlovchi AI yordamchi bo‘lib, foydalanuvchilarning parollarini tiklash, ilovalarga (Figma, Miro) kirishni taqdim etish, kompyuter muammolarini aniqlash kabi 50% dan ortiq vazifalarni mustaqil hal qila oladi. Murakkab holatlarda esa IT xodimlarini jarayonga jalb qiladi.
Asosiy farqi: Console — mavjud IT xizmatlarini to‘liq almashtirishni emas, balki ularni “AI hamkasb” bilan kuchaytirishni taklif qiladi. Boshqa o‘xshash mahsulotlardan farqli o‘laroq, Console’ni joriy etish bir necha hafta ichida yakunlanadi, bu esa kompaniyalar uchun katta afzallik.
Kimlar ishonmoqda? Scale AI, Flock Safety, va Calendly kabi kompaniyalar Console’ning dastlabki mijozlari bo‘lishdi. Aynan shu yutuqlar tufayli startup Thrive Capital fondidan $6.2 million miqdorida investitsiya oldi. Thrive vakili Vince Hankes bu texnologiyaning tez rivojlanib, kompaniya faoliyatining ajralmas qismiga aylanishiga ishonmoqda.
Kelajak rejalari: Console faqat IT emas, balki HR, moliya va yuridik bo‘limlar uchun ham birinchi raqamli yordamchi bo‘lishni maqsad qilgan.
“Biz xodimlar birinchi navbatda murojaat qiladigan platformaga aylanishni xohlaymiz,” — deydi asoschi Andrei Serban.
