Google bosh direktori Sundar Pichai kompaniya uchun 2025 yilni “eng muhim” yil deb e’lon qildi va sun’iy intellekt sohasidagi yutuqlarni ustuvor yo‘nalish sifatida belgiladi.
2024-yil 18-dekabr kuni Google rahbariyati tomonidan o‘tkazilgan strategik yig‘ilishda Pichai kompaniyaning keyingi yilgi asosiy rejalari haqida so‘z yuritdi. CNBC axborotiga ko‘ra, rahbariyat a’zolari yig‘ilishda bayramona kayfiyat yaratish uchun qiziqarli sviterlar kiygan bo‘lsa-da, muhokama mavzusi juda jiddiy edi. Pichai o‘z murojaatida quyidagi fikrlarni bildirdi: “2025-yil kompaniya uchun hal qiluvchi yil bo‘ladi. Hozirgi vaziyatni to‘g‘ri tushunib, shunga mos ravishda tezroq harakat qilishimiz kerak. Oldimizdagi vazifalar juda muhim va bu bizdan katta mas’uliyati talab qiladi.”
Gemini kelgusi yilda Google uchun strategik yo‘nalish hisoblanadi
Bugungi kunda yirik texnologiya kompaniyalari, jumladan Google, sun’iy intellekt sohasiga ulkan sarmoya kiritmoqda. Biroq, ushbu yo‘nalishda muvaffaqiyat darajasi bir tekis emas. Pichai kompaniyasining ba‘zi raqobatchilardan ortda qolganini ochiq tan oldi va kelgusi yil davomida ushbu bo‘shliqlarni to‘ldirish ustida ishlash zarurligini ta‘kidladi.
Google‘ning Gemini modeli bu jarayonning markaziy elementi sifatida ko‘rilmoqda. Pichai uni “barqaror rivojlanayotgan loyiha” sifatida ta’riflab, shunday dedi:
“Bizda hali ko‘p ishlar bor. 2025 yilda Gemini bilan iste‘molchi bozorida yetakchilik qilish va bu bo‘shliqlarni yopish ustida ishlaymiz.”
Gemini modeliga innovatsion yondashuv
Gemini modeli Google‘ning ilg‘or sun‘iy intellekt texnologiyasiga asoslangan bo‘lib, kompaniya ushbu platformani keng ko‘lamda iste’molchilar yetkazishni rejalashtirmoqda. Bu model nafaqat AI texnologiyasini kundalik hayotda qo‘llash imkoniyatlarini oshiradi, balki Google‘ning global raqobatbardoshligini mustahkamlashga ham xizmat qiladi.
Pichai bu boradagi strategiyani yanada aniqroq qilib tushuntirdi:
“Keyingi yilda iste’molchilar yo‘nalishida Gemini platformasini kengaytirish bizning asosiy e’tiborimizda bo‘ladi”
Google‘ning AI sohasidagi global yetakchilik maqsadi
Google sun‘iy intellektni rivojlantirish va keng joriy etish orqali texnologiya olamidagi yetakchilik mavqeini mustahkamlashga intilmoqda. Kompaniyaning 2025-yil uchun rejalari sun‘iy intellektning innovatsion imkoniyatlarini to‘liq amalga oshirish va iste’molchilar ehtiyojlarini yanada mukammalroq qondirishni maqsad qilgan.
Kuzatuvchilar Google‘ning ushbu strategik rejalariga katta qiziqish bilan qaramoqda. Kompaniya bu jarayonda qanchalik muvaffaqiyatli bo‘lishini vaqt ko‘rsatadi, biroq hozircha 2025-yil AI sohasidagi poygada hal qiluvchi yil bo‘lishi aniq.
Fikr bildirish