Toshkent, O’zbekiston, 27-aprel 2026 – PASHA Holding tomonidan tashkil etilgan INMerge Innovation Summit, Istanbuldan keyingi navbatdagi to’xtash nuqtasi sifatida INMerge Tashkent tadbirini o’tkazdi va o’zining Roadshow seriyasini davom ettirdi. Tadbir startaplar, venchur kapital va korporativ innovatsiyalar sohasidagi mintaqaviy hamda xalqaro yetakchilarni Markaziy Osiyoning jadal rivojlanayotgan raqamli ekotizimini o’rganish uchun bir araqqa to’pladi.
Dastur Caspar Cravenning «Yangi dunyoni eski xaritalarga asoslanib boshqarib bo’lmaydi: Nima uchun o’zgarish boshqacha tafakkurni talab qiladi» mavzusidagi asosiy ma’ruzasi bilan ochildi. Ma’ruzada o’zgarishlar davrida moslashuvchan rahbarlikning zaruriyati alohida ta’kidlandi.
«Building everyday ecosystems: designing products around the customer journey», nomli panel sessiyasida sanoat yetakchilari uzluksiz, mijozga yo’naltirilgan platformalar qanday qilib hamkorlik va qiymat yaratishni qayta belgilayotganini muhokama qildi. Sessiyada Uzumning Mahsulot va Texnologiyalar bo’yicha bosh direktori Kevin Xanda, Paynetning Bosh ijrochi direktori Anvar Isamuxamedov, Bir Ecosystemning Mahsulot, Marketing va Mijoz Tajribasi bo’yicha bosh direktori Maksim Evdokimov, Yandex O’zbekistonning Fintech bo’limi rahbari Semyon Morgunov va TBC O’zbekistonning Mijoz Tajribasi bo’yicha bosh direktori Sergei Chekalkin ishtirok etdi. Sessiyani O’zbekiston Fintech Assotsiatsiyasi raisasi va O’sish bo’yicha bosh direktor Nargis Dustmatova olib bordi. Muhokamada texnologiya, ma’lumotlar va foydalanuvchi tajribasini birlashtirib, kengaytiriladigan kundalik yechimlar yaratishning ahamiyati yoritildi.
Investitsiyalar va mintaqaviy o’sishga e’tiborni qaratgan «Kapital yolg’iz Raqamli Ipak yo’lini qurolishi mumkinmi yoki biz nimadir shart-sharoitni o’tkazib yuboryapmizmi?» nomli panel sessiyasini AICA – Markaziy Osiyo Sun’iy Intellekt Assotsiatsiyasining Boshqaruvchi direktori Behzod Ismoilov olib bordi. Sessiyada PASHA Financial Holdingning Innovatsiyalar rahbari va INMerge Venturesning Boshqaruvchi hamkori Tughra Musayeva, MOST Holdingning Bosh ijrochi direktori, Boshqaruvchi hamkori va hammuassisi, MOST Ventures qoshidagi MOST Investors’ Club hammuassisi Alim Xamitov, IT Park Venturesning Bosh ijrochi direktori Daler Nodirov, UzVCning Boshqaruvchi hamkori Abdulazal Toshxo’jayev va DOMiNO Venturesning Boshqaruvchi hamkori Mustafa Ko’puk o’z fikrlarini baham ko’rdi. Ishtirokchilar kapital muhim bo’lsa-da, barqaror ekotizim rivojlanishi uchun xuddi shunday darajada iqtidor, tartibga soluvchi qo’llab-quvvatlash va chegaralararo hamkorlik ham zarurligini ta’kidladi.
Roadshow yetakchi mintaqaviy investorlar tomonidan baholangan Startap Pitch Musobaqasi bilan yakunlandi. Tanlangan uchta startap 2026-yil 8–9-oktabr kunlari Bokuda bo’lib o’tadigan asosiy INMerge tadbirida ishtirok etish imkoniyatini qo’lga kiritdi. Birinchi o’rinni egallagan startap to’liq moliyalashtirish paketini oladi, yana ikkita g’olib startap esa qisman moliyaviy qo’llab-quvvatlashdan bahramand bo’ladi.
2026-yilgi Roadshowning muhim to’xtash nuqtasi sifatida Toshkent mintaqaning o’sib borayotgan innovatsion salohiyatini namoyon etdi va INMerge’ning ekotizimlar, kapital hamda g’oyalarni chegaralardan tashqarida bog’lashdagi rolini mustahkamladi.
PASHA Holding haqida
2006-yilda tashkil etilgan PASHA Holding bank, sug’urta, fintech, ko’chmas mulk, chakana oziq-ovqat savdosi, qishloq xo’jaligi va boshqa ko’plab sohalarda faoliyat yurituvchi Ozarbayjonning yetakchi konglomeratlaridan biridir. 25 000 dan ortiq xodimi va 18 milliard AQSh dollaridan oshiq umumiy aktivlari bilan guruh xalqaro miqyosda tobora kengayib bormoqda. PASHA Holding hozirda oltita mamlakatda — Ozarbayjon, O’zbekiston, Turkiya, Gruziya, Chernogoriya va AQShda faoliyat yuritadi.
