Tesla kompaniyasining bir guruh hozirgi va sobiq xodimlari milliarder Ilon Maskdan bosh direktor lavozimini tark etishni so‘ramoqda. Ularning fikricha, Maskning siyosiy faolligi va shaxsiy brendi kompaniya imidjiga salbiy ta’sir ko‘rsatmoqda hamda brendning asosiy maqsadi — elektr transport vositalari rivojiga putur yetkazmoqda.
2024-yilda Tesla elektromobillarining savdosi so‘nggi o‘n yillikdagi ilk marotaba kamaydi, 2025-yil boshida esa pasayish yanada kuchaydi. Xodimlar minglab yangi avtomobillar omborlarda sotilmay turganini ta’kidlashmoqda.
Tesla rahbariyati muammoni yangi Model Y modeliga bog‘lamoqchi bo‘lsa-da, xodimlar asosiy sabab sifatida Maskning siyosiy va ijtimoiy faoliyatini ko‘rsatmoqda. Ilon Mask esa kompaniya konferensiyasida o‘z siyosiy faoliyatini cheklashni va kompaniyaga ko‘proq e’tibor qaratishni va’da qildi
