Open Data Challenge xakatoni 2024-yil 24-26-yanvar kunlari “Yangi O‘zbekiston” universitetida bo‘lib o‘tadi. Tadbir IT Park tomonidan YeXHTning O‘zbekistondagi loyihalari koordinatori bilan hamkorlikda, Davlat statistika qo‘mitasi va Korrupsiyaga qarshi kurash agentligi ko‘magida tashkil etildi.
Open Data Challenge haqida
Open Data Challenge — ochiq maʼlumotlardan foydalangan holda texnologik yechimlarni yaratishga qaratilgan yillik xakaton. Tanlov davlat va munitsipal ochiq ma’lumotlarning ijtimoiy va iqtisodiy salohiyatini ochish, sohada professional hamjamiyatni rivojlantirish va hukumat va mahalliy hokimiyat organlari hamda xakaton ishtirokchilari uchun tegishli ko‘nikmalarni rivojlantirishga qaratilgan.
Texnologik yechimlar quyidagi toifalardan birida taqdim etilishi kerak:
- Davlat sektori
- Biznes sektori
- Korrupsiyaga qarshi kurash
- Ijtimoiy sektor
Kimlar ishtirok etishi mumkin?
Xakaton barcha qiziquvchilar uchun ochiq. Ishtirokchilar barcha tadbirlarda qatnashishlari, ochiq ma’lumotlardan foydalangan holda raqamli yechimlarni (ilovalar, xizmatlar, qurilmalar) ishlab chiqishlari va o‘z kodlarini GitHub platformasiga yuklashlari shart. Arizalar yakka tartibda yoki jamoa sifatida topshirilishi mumkin (har bir jamoada uchta a’zoga qadar).
Tadbir davomida rejalashtirilgan tadbirlar:
- To‘rtta asosiy yo‘nalish bo‘yicha saralash tanlovlari;
- Sohada ochiq ma’lumotlardan foydalanish bo‘yicha ekspertlar ishtirokida maxsus mahorat darslari;
- Xakatondan oldin ochiq ma’lumotlarga bag‘ishlangan to‘rtta onlayn vebinar va bir oflayn mahorat darsi.
Vebinar va treninglar jadvali:
- 24-dekabr – davlat sektori bo‘yicha vebinar;
- 26-dekabr – biznes sektori bo‘yicha vebinar;
- 7-yanvar – korrupsiyaga qarshi kurash bo‘yicha vebinar;
- 9 yanvar – ijtimoiy soha boʻyicha vebinar;
- 17-yanvar – xakaton ishtirokchilari uchun ochiq ma’lumotlar bilan ishlash bo‘yicha mahorat darsi.
Roʻyxatdan oʻtish:
20-yanvarga qadar quyidagi havola orqali roʻyxatdan oʻtishingiz mumkin: https://docs.google.com/forms
