Tasavvur qiling, siz eng nufuzli investorlar va texnologiya sohasidagi yetakchilar oldida turib, sanoatni qayta shakllantirish va innovatsiyalarning yangi yo‘nalishini belgilash qudratiga ega g‘oyani taqdim etmoqdasiz. Bu oddiy taqdimot emas — bu sizning orzularingizni ro‘yobga chiqarish, startapingizni misli koʻrilmagan yutuqlarga olib chiqadigan insonlarning e’tiborini jalb qilish imkoniyatingizdir.
Hayajonli, shunday emasmi?
Va bu lahza siz o‘ylagandan ham yaqinroq
2025-yil 29-yanvar kuni Toshkent IT Park Uzbekistan’da “Unicorn Battle”ni qabul qilib, ilg‘or texnologiyalar markaziga aylanadi. Bu xalqaro startaplar bellashuvi shunchaki tadbir emas, balki “unicornlar”ning keyingi avlodini ishga tushirish uchun platformadir. Tadbir texnologiyalar kelajagini shakllantirishga shay turgan 10 ta eng sara startap, 50 dan ortiq investor, venchur kapitalistlar va tadbirkorlar hamjamiyatini birlashtiradi.
Qisqa uch daqiqalik taqdimotlardan tortib, investorlar kengashining qizg‘in ovoz berishigacha — tanlovning har bir lahzasi eng yaxshi innovatsion g‘oyalarni yuzaga chiqarish uchun yaratilgan. Ushbu musobaqadagi g‘alaba San-Fransiskodagi nufuzli “Unicorn CUP” tanlovida ishtirok etish imkonini beradi, startap asoschilari uchun jahon texnologiya maydonida o‘zlarini ko‘rsatishning noyob imkoniyatini taqdim etadi.
Nima uchun “Unicorn Battle Tashkent” tadbiriga tashrif buyurish kerak?
- Sanoat yetakchilari bilan tanishish: Texnologiyalar kelajagini shakllantiruvchi yetakchi investorlar, venchur kapitalistlar va tadbirkorlar bilan aloqalar o‘rnating.
- Yangi g‘oyalar bilan tanishish: O‘z sohalarini o‘zgartirishga tayyor bo‘lgan 10 ta sinchkovlik bilan tanlangan startaplar taqdimotlariga guvoh bo‘ling.
- G‘alaba imkoniyati: Sovrinlarni qo‘lga kiriting, moliyalashtirish jalb qiling va San-Fransiskodagi nufuzli “Unicorn CUP” tanlovida ishtirok etish imkoniga ega boʻling.
Biroq bu hammasi emas. Tanlovdan tashqari, tadbir ishtirokchilarini sun’iy intellekt sohasidagi ilg‘or ishlanmalar, “AI-startaplarga investitsiyalar — rivojlanayotgan bozorlardagi imkoniyatlar” mavzusida ekspertlar bilan munozara va investorlar, mutaxassislar hamda novatorlar uchun jo‘shqin va ilhombaxsh muhitda muloqot qilish imkonini beruvchi netvorking kechasi kutmoqda.
Sana: 2025-yil 29-yanvar
Vaqt: 18:00
Joy: U-Enter
Kimlar ishtirok etadi:
- Inqilobiy g‘oyalarni izlayotgan investorlar
- O‘z kompaniyalarini rivojlantirishga tayyor startap asoschilari
- Noyob texnologik yechimlarga ega innovatorlar
Agar siz startap asoschisi, investor yoki shunchaki texnologiya kelajagiga qiziquvchi bo‘lsangiz, “Unicorn Battle Tashkent” — bu g‘oyalar imkoniyatlar bilan uchrashadigan va yangi “unicorn” kompaniyalarning yo‘li boshlanadigan joydir.
Unicorn.Events haqida
Bu musobaqa shunchaki g‘oyalarni taqdim etish emas, balki ularni haqiqatga aylantirish haqida. “Unicorn.Events” o‘z faoliyati davomida startaplarga 1 milliard dollardan ortiq investitsiyalarni jalb qilishga ko‘maklashdi, ularni butun dunyo bo‘ylab 34 000 dan ziyod startaplar va 1 500 dan ortiq investorlar tarmog‘i bilan birlashtirdi.
Fikr bildirish