2025-yil 27-sentabr kuni Toshkentda bo‘lib o‘tgan Web Summit Spotlight Uzbekistan doirasida Investor’s Room sessiyasi tashkil etildi. Tadbir davomida Yoshlar Ventures uchta istiqbolli startapga jami 96 200 AQSh dollari miqdorida investitsiya kiritdi.
Moliyaviy qo‘llab-quvvatlash quyidagi loyihalarga yo‘naltirildi:
- Inter Ai (Startup Garage rezidenti) – $38 000
- Hisobchi Ai – $37 500
- Educoin (Startup Garage rezidenti) – $20 700
Mazkur investitsiyalar O‘zbekiston startap ekotizimida yosh tadbirkorlar va innovatsion g‘oyalarni rivojlantirishga qaratilgan muhim qadamlardan biri bo‘lib, istiqbolli loyihalarning keyingi bosqichga chiqishiga zamin yaratadi. Investor’s Room sessiyasi yosh startaplarga o‘z loyihalarini namoyish qilish, investorlar bilan muloqot qilish va ularning ishonchini qozonish uchun samarali platforma sifatida xizmat qildi.
