O‘zbekiston iqtisodiyoti 2026-yilni yuqori notada boshladi. Iqtisodiy tadqiqotlar va islohotlar markazining (ITIM) so‘nggi prognozlari shuni ko‘rsatadiki, mamlakat yalpi ichki mahsuloti (YaIM) birinchi chorakda 7-7,2 foiz atrofida o‘sishi kutilmoqda.
So‘nggi yillarda O‘zbekiston an’anaviy agrar-sanoat modelidan raqamli va xizmat ko‘rsatishga asoslangan iqtisodiyotga o‘tishni jadallashtirdi. Agar ilgari o‘sish drayverlari paxta yoki oltin narxi bo‘lgan bo‘lsa, 2026-yilning boshidagi raqamlar «raqamli iste’mol» yangi yetakchi kuchga aylanayotganini ko‘rsatmoqda.
ITIM tahlilchilari bu galgi prognozda faqatgina an’anaviy 35 ta iqtisodiy indikator bilan cheklanib qolmasdan, Machine Learning (mashinali o‘qitish) modelidan foydalanishdi. Qo‘shimcha ravishda prognoz mashinali o‘qitish usullari orqali ham hisoblandi. Bunda Google qidiruv tizimidagi 20 ta toifa bo‘yicha 250 ta haftalik indikator tahlil qilindi. Natijalarga ko‘ra, 2026 yil I choragida YaIM o‘sishi 7,2 foiz atrofida bo‘lishi kutilmoqda.
19,3% lik telekom-portlashi
Yanvar oyidagi ma’lumotlarga ko‘ra, o‘zbekistonliklarning Internet va telekommunikatsiya xizmatlariga bo‘lgan qiziqishi o‘tgan yilga nisbatan 19,3 foizga oshgan. Bu shunchaki ko‘proq video ko‘rish degani emas. Bu — biznesning onlayn platformalarga o‘tishi, bulutli texnologiyalarga talabning ortishi va raqamli infratuzilmaning iqtisodiyotdagi real ulushi kengayayotganidan dalolat. Shuningdek, Moliya sektoriga qiziqish 7,9 foizga, E-commerce (xaridlar) esa 5,2 foizga o‘sgan.
7,2 foizlik o‘sish koridori O‘zbekistonning venchur va IT bozori uchun «yashil chiroq»dir. Telekom va fintex sohasidagi qariyb 20 foizlik raqamli qiziqish — yangi startaplar va SaaS mahsulotlari uchun bozor hajmi kengayayotganini anglatadi.
2026-yilning birinchi choragi O‘zbekiston uchun shunchaki barqarorlik emas, balki raqamli tezlanish choragi bo‘lishi va’da kutilmoqda. Agarda ushbu dinamika saqlanib qolsa, yil yakuniga ko‘ra mamlakat mintaqadagi eng jozibador investitsion nuqta bo‘lib qoladi.
