O‘zbekkosmos agentligi ilk ilmiy-texnik sun’iy yo‘ldoshni yaratish ustida ish olib borilayotganini ma’lum qildi. Qurilma ustida Yaponiyadagi Kyushu texnologiya institutida tahsil olayotgan 7 nafar o‘zbekistonlik magistrant ishlamoqda.
Agentlik rahbariyati ta’kidlashicha, agar talabalar 2024-yilda o‘qishni boshlasalar, 2027-yilda loyihani yakunlab, 2028-yilgacha sun’iy yo‘ldoshni kosmosga uchirish rejalashtirilgan.
Hozirda SpaceX bilan muzokaralar olib borilmoqda. Shuningdek, O‘zbekiston Turkiy davlatlar tashkiloti doirasida ham sun’iy yo‘ldosh loyihasida ishtirok etmoqda.
2025-yil o‘rtalarida milliy kosmik dastur ham taqdim etilishi kutilmoqda.
