Bugungi kunda biznes egalari sun’iy intellekt texnologiyalaridan samarali foydalanish orqali ko‘plab sohalarda inqilob qilmoqda. Aynan shunday insonlardan biri – Baxriddin Inamov. Magicstore.ai va Humocommerce.com loyihalari asoschisi. Pivot.uz nashri tadbirkor bilan suxbatlashib, uning muvaffaqiyat yo‘li bilan qiziqdi.
Qirg‘izistonlik yigitining ilk qadamlari
Baxriddin Inamovning texnologiya sohasidagi safarini dunyodagi taniqli inkubatorlar yoki MBA dasturlarida boshlamagan. Barchasi juda oddiy, “0” dan boshlangan. Uning asosiy vaqti ijaraga olingan kichik xonadagi eski noutbuk qarshisida kun-u tun kod yozib, elektron bozorlar haqida o‘rganish bilan o‘tardi. Texnologiyaga qiziqish va kichik bizneslarga yordam berish istagi esa Humocommerce.com va Magicstore.ai kabi loyihalarni yaratishga undadi.
Magicstore.ai: kichik bizneslar uchun innovatsion yechim
2023-yilda ishga tushirilgan Magicstore.ai – bu kichik va o‘rta bizneslar uchun sun’iy intellekt asosida ishlab chiqilgan innovatsion saas platforma bo‘lib, biznesingizni osonlik bilan onlayn o‘tkazishga yordam beradi. Magicstore.ai kichik bizneslarga elektron tijorat bilan shug‘ullanish va murakkab jarayonlarni soddalashtirishni maqsad qiladi.
Platformaning asosiy funksiyalari:
- Onlayn do‘kon yaratish va boshqarish: Foydalanuvchilar bir necha daqiqada o‘z do‘konlarini ishga tushirishi va mahsulotlarni boshqarishi mumkin.
- Telegram va Web sayt: Platforma foydalanuvchilarga Telegram bot va web sayt orqali mijozlar bilan muloqot qilish, buyurtmalarni qabul qilish va jarayonlarni avtomatlashtirish imkoniyatini taqdim etadi.
- Sun’iy intellekt yordamchi: Chatbot, sotuvlar tahlili, mahsulot tavsiyalari va mijozlarning xatti-harakatlarini kuzatish orqali biznesni rivojlantirish.
- Mijozlar bilan avtomatlashtirilgan muloqot: Magicstore.ai mijozlar bilan real vaqt rejimida muloqot qilish imkoniyatini yaratadi, bu esa biznes jarayonlarini tezkorlashtiradi.
- Inventarizatsiya boshqaruvi: Mahsulot zaxiralarini kuzatish va boshqarishni osonlashtiradi
Magicstore.ai’ning qulay interfeysi va avtomatlashtirilgan vositalari texnologiya bilan chuqur tanish bo‘lmagan foydalanuvchilar uchun ham do‘konlarni boshqarishni oddiy va tushunarli qiladi.
Qisqa muddatdagi katta muvaffaqiyat
Magicstore.ai ishga tushgan dastlabki oylaridayoq katta muvaffaqiyatlarga erishdi. Platformadan hozirda 70 dan ortiq biznes egalari foydalanib kelmoqda. O‘sish sur’ati oyma-oy 20-30% ni tashkil etib, platforma kichik bizneslar orasida katta talabga ega bo‘ldi. Magicstore.ai o‘zining moslashuvchanligi va zamonaviy texnologiyalari bilan kichik bizneslar uchun samarali vosita sifatida ajralib turadi. Bu platforma foydalanuvchilar uchun nafaqat do‘kon boshqaruvini, balki mijozlar bilan samarali muloqotni ham osonlashtiradi. Magicstore.ai – biznesingizni rivojlantirish uchun innovatsion yechim.
Humocommerce.com: Shopify bozoridagi muvaffaqiyat
Magicstore.ai kichik bizneslarga yordam bersa, Humocommerce.com Shopify platformasida ishlayotgan yoki ish boshlamoqchi bo‘lgan tadbirkorlar uchun mo‘ljallangan. Loyiha mijozlarga quyidagilarni taqdim etadi:
- Individual dizayn
- To‘lov tizmlari bilan integratsiya
- CRM tizimlar bialn integratsiya
- Doimiy tehnik yordam
- Ma’lumotlar migratsiyasi va boshqa xizmatlar
Humocommerce.com Shopify’ning murakkabliklarini osonlashtirish bilan birga, sifatli xizmatni arzon narxlarda taklif qilishi bilan ajralib turadi. Bu esa kompaniyaga tezkorlik bilan mijozlar bazasini kengaytirishga imkon berdi.
“Qil va o‘rganganingni oshir” falsafasi
Baxriddin muvaffaqiyatining sirini so‘zlar ekan, samimiy tarzda shunday deydi: “Hamma narsani bilmasdim, lekin bir narsani aniq tushungandim – qat’iyat va davomiy harakatlar muvaffiyat kaliti ekan.”
Dastlabki bosqichlarda u har bir vazifani sinchkovlik bilan o‘rganib, jarayonlarning nozik tomonlarini anglashga intildi. Baxriddin texnologiya va biznesni birlashtirishda foydalanuvchilarning ehtiyojlarini chuqur tahlil qilishni asosiy vazifa sifatida ko‘rdi. Bu yondashuv unga nafaqat samarali yechimlar yaratishga, balki platformalarning foydalanuvchilar uchun qulay va intuitiv bo‘lishini ta’minlashga imkon berdi.
U muvaffaqiyatga erishishda mas’uliyat va insoniy qadriyatlarni bosh tamoyil sifatida tanladi. Har bir loyiha ortida mijozlarning ehtiyojlarini chuqur anglash va ularga haqiqiy foyda keltiruvchi yechimlarni taqdim etish istagi yotadi. Bu yondashuv Baxriddinga mijozlarning ishonchini qozonish va ularning biznesini yangi bosqichga olib chiqishda yordam berdi.
Katta orzular sari
Hozirda Baxriddin Inamov texnologiya va biznes sohalarida faoliyat yuritayotgan, o‘z loyihalari bilan Markaziy Osiyoda kichik bizneslarni qo‘llab-quvvatlashga hissa qo‘shayotgan tadbirkordir. U Magicstore.ai platformasini yanada rivojlantirib, mintaqadan tashqariga chiqishni va global bozorda o‘z o‘rnini topishni rejalashtirmoqda.
Yoshlar uchun tavsiyalar
Baxriddinning yosh tadbirkorlarga maslahatlari:
- Imkoniyat kichik bo‘lsa ham orzuni katta qiling: “Ijara xonasida ishlayotgan bo‘lsangiz ham, milliard dollarlik muammolarni hal qilishni maqsad qiling.”
- Mijozlarni tushuning: “Foydalanuvchilaringizni tinglang. Ular sizni mahsulot bozori talablariga moslashga yordam beradi.”
- Amalda o‘rganing: “Har bir qiyinchilik yangi ko‘nikmani o‘rganish uchun imkoniyatdir.”
- G‘alabaga ega chiqing: “Mukammal boshlang‘ich sharoit emas, mukammal yakunga erishish muhim.”
Baxriddin Inamovning hikoyasi Markaziy Osiyodagi har bir texnologiya ishqiboziga ilhom bag‘ishlaydi. U o‘zining mehnati, qat’iyati va ijodiy yondashuvi bilan texnologiya sohasida o‘z o‘rnini topib, yangi avlod tadbirkorlariga yo‘l ko‘rsatmoqda. Uning hikoyasi endigina boshlandi va yakuniy marra qanday bo‘lishini vaqt ko‘rsatadi.
Gulnoza Mixailovna
