35 yoshli Nik Molnar uchun tadbirkorlik bolalikdan tanish edi. Oilasi zargarlik buyumlari bilan shug‘ullangani sabab, u yoshlikdan savdoni o‘rganib ulg‘aydi. O‘smir paytida internetda zargarlik mahsulotlari sotishni boshladi va qisqa fursatda mustaqil onlayn biznes qurdi.
Biroq universitetni tugatgach, u o‘zini biznes emas, moliya sohasida tasavvur qildi. Investitsiya banklarida ish qidirganida esa, suhbatdoshlar unga bir xil savol berishardi:
— “Senda allaqachon muvaffaqiyatli biznes bo‘lsa, nega ish izlayapsan?”
Nik baribir ishni tanladi va 2011-yilda venchur kapital kompaniyasi M.H. Carnegie & Co. da faoliyat boshladi. Aynan shu yerda u hayotini o‘zgartiradigan inson — kompaniya asoschisi Mark Karnegi bilan tanishdi.
Karnegi har kuni undan zargarlik biznesi haqida so‘rar, hatto bir kuni shunday dedi:
— “Sening iste’dodlaring bu yerda bekor ketmoqda. Men senga bir yil vaqt beraman — biznesingni sinab ko‘r. Orqaga qaytish bo‘lmaydi.”
Bu so‘zlar Nik uchun burilish nuqtasi bo‘ldi. 2012-yilda u ishini tark etdi va qo‘shnisi Entoni Ayzen bilan birgalikda yangi g‘oya ustida ishlay boshladi. 2014-yilda ular Afterpay nomli “hozir ol — keyin to‘la” kompaniyasini ishga tushirdi.
Atigi yetti yil ichida, 2021-yilda, startap ulkan muvaffaqiyatga erishdi — Jek Dorsining fintech kompaniyasi Square (hozirgi Block) uni 29 milliard dollarga sotib oldi.
“Eng katta kuchim — orqaga yo‘l qolmagan edi. Bu meni hech narsa to‘xtata olmasligiga ishonch berdi. Intuitsiyaga ishoning va hayot sizni olib borayotgan yo‘ldan qo‘rqmang.”
