Vazirlar Mahkamasi “Islom Taraqqiyot Banki bilan hamkorlikda ‘Kichik va o‘rta korxonalar iqtisodiy barqarorligini mustahkamlash’ loyihasini amalga oshirish chora-tadbirlari to‘g‘risida”gi qarorni qabul qildi.
Kichik va o‘rta biznes (KOB) subyektlariga qo‘shimcha moliyalashtirish imkoniyatlarini yaratish, ko‘rsatilayotgan moliyaviy xizmatlar ko‘lamini kengaytirish va Islomiy moliyalashtirish imkoniyatlarini oshirish maqsadida Vazirlar Mahkamasi quyidagilarni belgiladi:
- – 2024-yil 18-aprelda O‘zbekiston Respublikasi va Islom Taraqqiyot Banki (ITB) o‘rtasida “Kichik va o‘rta korxonalar iqtisodiy barqarorligini mustahkamlash” loyihasini moliyalashtirish bo‘yicha 30 million AQSh dollari miqdoridagi kredit va agentlik shartnomasi imzolandi. Ushbu mablag‘lar 3 yillik imtiyozli davr va 10 yillik qaytarish muddati bilan taqdim etiladi.
- O‘zbekiston Respublikasi va ITB (Rivojlanish uchun islom birdamlik jamg‘armasi nomidan) o‘rtasida 2024-yil 18-aprelda loyihani moliyalashtirish uchun 3-yillik imtiyozli davr bilan 10-yil muddatga jami 10 million dollar mikdorida qarz bitimi imzolangani;
- O‘zbekiston tomonidan loyiha uchun 0,3 million AQSh dollari miqdorida soliq va bojxona imtiyozlari shaklida hissa qo‘shiladi.
- Loyiha texnik-iqtisodiy hujjatlari ITB tomonidan tasdiqlandi. Asosiy qoidalar:
- O‘zbekiston Respublikasi Iqtisodiyot va moliya vazirligi loyihani o‘z vaqtida amalga oshirish, muvofiqlashtirish va ITB mablag‘laridan samarali foydalanish uchun mas’ul ijro etuvchi organ etib belgilandi.
- ITB tomonidan loyiha uchun 30 million AQSh dollari “Tadbirkorlikni rivojlantirish banki” AJga va 7,5 million AQSh dollari “Tadbirkorlikni rivojlantirish kompaniyasi” AJga ajratiladi.
- ITB mablag‘larining qaytarilishi, shu jumladan qo‘shimcha xarajatlar va foizlar, tijorat banki, kompaniya va O‘zbekiston Respublikasi davlat byudjeti hisobidan amalga oshiriladi.
- Loyiha 2025-yildan 2027-yilgacha bo‘lgan davrda amalga oshiriladi.
- Loyiha amalga oshirilishini nazorat qilish uchun Iqtisodiyot va moliya vazirligi huzurida loyiha ijrosi guruhi (LIG) tashkil etiladi.
- LIGning loyiha davomida yillik xarajat smetasi va xodimlar jadvali Iqtisodiyot va moliya vazirligi tomonidan tasdiqlanadi.
