Dunyodagi yirik chip ishlab chiqaruvchi kompaniyalardan biri Nvidia 2025-yilda robototexnika sohasida faoliyatini yanada kengaytirmoqda. Financial Times xabariga ko’ra, kompaniya kelasi yilning birinchi yarmida humanoid robotlar uchun maxsus yaratilgan Jetson Thor nomli yangi avlod ixcham kompyuterlarini taqdim etadi.
Strategiyaning asosiy yo’nalishi nima?
Bu qaror Nvidia kompaniyasining bir necha yillardan beri rivojlanib kelayotgan strategiyasining davomi hisoblanadi. Nvidia Tesla kabi robot ishlab chiqaruvchi kompaniyalar bilan raqobat qilmoqchi emas. Buning o’rniga, kompaniya butun dunyodagi yuz minglab robot ishlab chiqaruvchilar uchun asosiy texnologiyalarni taqdim etishga intilmoqda. Nvidia robototexnika bo’limi vitse-prezidenti Deepu Tallaning so’zlariga ko’ra, kompaniyaning maqsadi OEM yetkazib beruvchi sifatida ishlashdir.
yetkazib beruvchi sifatida ishlashdir.
Nega aynan hozir?
Deepu Talla Financial Times gazetasiga bergan intervyusida bu o’zgarishning ikki asosiy texnologik yutuq bilan bog’liqligini ta’kidladi: generativ AI modellarining rivojlanishi va ushbu modellar asosida robotlarni simulyatsion muhitda o’rgatish imkoniyatining paydo bo’lishi.
Nvidia uchun yangi bosqich
Kompaniya o’zining bu yondashuvini ochiq tan olmasa ham, asosiy sabablar orasida Amazon va Google kabi yirik mijozlarning Nvidia AI chiplariga qaramlikni kamaytirish uchun o’z texnologiyalarini rivojlantirayotgani ham bor. Bu holat Nvidia uchun o’z sohasida pozitsiyasini mustahkamlashni talab qiladi.
Tesla va Nvidia hamkorligi
Tesla kompaniyasining humanoid roboti Optimus haqida gap ketganda, Nvidia ushbu robotlarni yaratishda Tesla bilan texnologik hamkorlik qilayotganini ta’kidlab o’tgan. Mazkur rivojlanish robototexnika va sun’iy intellekt sohasida katta yutuqlarga olib kelishi kutilmoqda.
