O‘zbekiston venchur bozori so‘nggi yillarda vertikal o‘sishni namoyish etib, mintaqaviy texnologik xabga aylanmoqda. Ekotizimning umumiy qiymati $3,9 milliard dollarga baholanmoqda. Investitsiyalar oqimi 2023-yildagi $6,3 million dollardan 2025-yilga kelib $329 million dollarga yetdi. Bitimlar miqdori ham mos ravishda 34 tadan 140 taga ko‘payib, bozorning nafaqat pul hajmi, balki operatsion faolligi ham oshganini ko‘rsatmoqda.
Bozorda texnologik diversifikatsiya jarayoni ketmoqda:
• Sun’iy intellekt (AI): Bozorning 24.4% ulushi bilan mutloq yetakchi.
• Elektron tijorat (E-Commerce): 12.5% ulush bilan ikkinchi o‘rinda.
• SaaS: 11.7% ulushni egallagan.
Ekotizimda startaplar soni jadal o‘sib bormoqda va 2025-yil yakuniga ko‘ra ularning miqdori 750 taga yetishi kutilmoqda. Shuni ta’kidlash lozimki, bozor hali shakllanish (early-stage) bosqichida: bitimlarning 92% qismi hali ham Seed (61%) va Pre-Seed (31%) bosqichlariga to‘g‘ri keladi.
O‘zbekiston venchur bozorining o‘ziga xos jihati xalqaro kapitalning yuqori ulushidir. Jami investitsiyalarning 89.18% qismi ($293 mln) xorijiy investorlar tomonidan kiritilgan bo‘lsa, mahalliy kapital ulushi $35 millionni (10.82%) tashkil etmoqda.
AloqaVentures hozirga qadar jami 5 ta muvaffaqiyatli exitni amalga oshirdi. Shuningdek, Startup Garage o‘zining Bito loyihasidagi ulushining bir qismini sotdi. Ushbu kelishuv mintaqa startap ekotizimi uchun kamyob bo‘lgan, lekin strategik jihatdan muhim partial exit (qisman chiqish) sifatida qayd etildi.
Bozor drayverlari sifatida Tencent, Halyk kabi xalqaro gigantlar hamda AloqaVentures, IT Park Ventures kabi mahalliy fondlar faol ishtirok etmoqda. Umumiy 140 ta bitimning 127 tasi aynan venchur fondlar hissasiga to‘g‘ri keladi.
To’liq tahlilni olish uchun havola: https://t.me/pivotuzbekistan/2786
